З 5 лютага па 18 сакавіка ў Нацыянальнай бібліятэцы Беларусі (3-і паверх, кальцавы калідор) праходзіць кніжная выстаўка «Найбуйнейшыя асобы свету».
Гісторыя чалавецтва, як вядома, складаецца з гісторый асобных людзей, іх матэрыяльных і духоўных інтарэсаў, палітычных прыхільнасцяў і культурнага аблічча. І разгортваюцца гэтыя гісторыі на велізарных сусветных прасторах пад уплывам разнастайных фактараў – геаграфічнага, геапалітычнага, знашнепалітычнага, дэмаграфічнага, этнічнага, рэлігійнага і іншых. Менавіта яны цывілізавана афарбоўваюць гэтыя гісторыі і робяць іх гісторыяй краін, рэгіёнаў, кантынентаў.
Людзі шматгранныя і супярэчлівыя. Уплыў адных вычэрпваецца мізэрнымі дозамі, але існуе няўхільна, уплыў іншых – выдатных асоб – часам аказваецца дамінуючым. Менавіта іх імёны ў першую чаргу адбіваюцца на скрыжалях гісторыі, іх дзейнасць, творчасць, іх поспехі і няўдачы знаходзяцца пад асабліва пільным судом нашчадкаў.
Нацыянальная бібліятэка Беларусі прапануе сваім наведвальнікам здзейсніць захапляльнае падарожжа па розных эпохах і краінах, пазнаёміцца са знакамітымі людзьмі мінулага і сучаснасці, наведаўшы тэматычную выстаўку “Найбуйнейшыя асобы свету”, якая раскажа пра самых вядомых людзей планеты, чые імёны назаўсёды ўвайшлі ў гісторыю. У экспазіцыі прадстаўлена ўражальная плеяда дзеячаў розных гістарычных перыядаў, розных галін грамадскага жыцця: палітыкі, эканомікі, культуры, навукі, адукацыі, ваеннай справы.
У асобным раздзеле выстаўкі сабраны бібліяграфічныя партрэты неардынарных людзей Беларусі. На працягу стагоддзяў па-рознаму адносіліся да іх улада і грамадства. Адных праслаўлялі, узвышалі, іншых ганьбілі, прыгняталі… Але самы праведны суддзя – гэта час, які сёння вынес справядлівы прысуд героям выстаўкі – пра іх маюць права ведаць усе.
У экспазіцыі прадстаўлена каля 500 выданняў.
Кантактны тэлефон: 293-28-86.