З 3 студзеня па 17 лютага ў зале перыядычных выданняў (пам. 106) праходзіць тэматычная выстаўка “Навука і інавацыі – будучыня свету”, прымеркаваная да Дня беларускай навукі.
Сёння ведам належыць важная роля ў фарміраванні канкурэнтаздольнай эканомікі і паляпшэнні якасці жыцця людзей. Развіццё адукацыі і навукі – гэта залог самастойнасці і суверэнітэту дзяржавы, павышэння культурнага, інтэлектуальнага і духоўнага ўзроўню нацыі.
Дачыненне навукі да самых розных сфер жыцця грамадства такое значнае, што правамерна гаварыць пра яе інтэграцыю не толькі з вытворчасцю, але і грамадскай практыкай у цэлым. Пра тое, як навука звязана з гэтым працэсам, пра яе ўзаемадзеянне з рэальным сектарам эканомікі і грамадствам расказваюць артыкулы ў часопісах “Экономика Беларуси”, “Наука и инновации”, “Проблемы управления”, “Наука и техника” і іншых.
На выстаўцы прадстаўлены такія вядомыя перыядычныя выданні, як “Изобретатель”, “Химия и жизнь”, “Наше сельское хозяйство”. Аўтары гэтых часопісаў таленавіта і творча падыходзяць да рашэння задач, якія ставіць перад імі час. Наведвальнікі выстаўкі змогуць азнаёміцца з поспехамі вучоных у арганічным земляробстве, аналізам даследаванняў па хіміі гармонаў раслін, спосабамі барацьбы са шкоднымі насякомымі з дапамогай вадкага шкла або методыкай хімічных эксперыментаў з дапамогай кавамашыны і да т.п.
Са спецыялізаваных часопісаў “Медицинские новости”, “Медицинский журнал”, “Мир медицины” можна даведацца пра апошнія навуковыя дасягненні ў гэтай галіне, напрыклад, пра новыя тэхналогіі ў дыягностыцы анкалагічных захворванняў, ролю дыеты і мышачных нагрузак у тармажэнні старэння арганізма і многае іншае.
Усяго экспазіцыя налічвае каля 40 перыядычных выданняў.
Кантактны тэлефон: (8 017) 293 25 87.
 |
 |
 |
 |
 |
 |
