ГалоўнаяНавіныКніжныя выстаўкі
Таемства жаночага
Цырымонія ўзнагароджання пераможцаў конкурсу студэнцкіх эсэ

Навагрудскі пясняр

Навагрудскі пясняр
Іншыя навіны

З 16 снежня 2008 года па 31 студзеня 2009 года ў Нацыянальнай бібліятэцы Беларусі (2-гі паверх, кальцавы калідор, каля залы беларускай літаратуры) пройдзе юбілейная кніжная выстаўка, прысвечаная 210-годдзю з дня нараджэння паэта Адама Міцкевіча (1798 — 1855).


Імя геніяльнага польскага паэта Адама Міцкевіча, нашага земляка, які на ўвесь свет праславіў сваю радзіму, навагрудскую зямлю, стаіць у адным шэрагу з імёнамі найвялікшых пісьменнікаў — класікаў сусветнай літаратуры.

Адама Міцкевіча лічаць польскім паэтам, бо пісаў ён свае творы па-польску, але ці адбыўся б паэт, калі б не маляўнічыя навагрудскія ўзгоркі, прыгажосць прынёманскага краю. Ці стаў бы ён паэтам без песень, легендаў, казак, якія чуў з маленства? Да таго ж, усе карані яго ідуць з беларускай зямлі. Бацькі паходзілі з дробнай літоўскай шляхты. У Навагрудскім павеце (цяпер Баранавіцкі раён) Літоўскай губерні, у Завоссі з’явіўся на свет ён сам. У Навагрудку будучы паэт скончыў павятовую дамініканскую школу. У 1815 г. паступіў у Віленскі універсітэт, дзе спачатку вывучаў фізіку і матэматыку, а затым перавёўся на гісторыка-філалагічны факультэт. Ва універсітэцкім асяроддзі тых часоў асабліва моцнымі былі патрыятычныя настроі. Разам з аднадумцамі А. Міцкевіч стварыў саюз філаматаў. Таварыства першапачаткова ставіла культурна-асветніцкія мэты, але пазней наладзіла сувязь з будучымі дзекабрыстамі.

Нацыянальная бібліятэка Беларусі прапануе сваім наведвальнікам юбілейную кніжную выстаўку да 210-годдзя з дня нараджэння класіка сусветнай літаратуры. У экспазіцыі прадстаўлена каля 200 выданняў: творы А. Міцкевіча, літаратурна-крытычныя даследаванні яго жыцця і творчасці польскіх і беларускіх аўтараў, матэрыялы канферэнцый па захаванні спадчыны паэта, даведнікі па Доме-музеі А. Міцкевіча ў Навагрудку.

Сярод экспанатаў выстаўкі – шматтомныя Зборы твораў, выдадзеныя ў канцы XIX — пачатку XX стагоддзяў, Выбраныя творы (сярэдзіна XX ст.), Выбраныя творы з серыі «Бібліятэка славянскай літаратуры» (2000 года выдання), самае поўнае выданне на беларускай мове твораў А. Міцкевіча з серыі «Беларускі кнігазбор» (2003 года выдання), «Наваградская іліяда» — паэма «Пан Тадэвуш» на польскай, рускай і беларускай мовах (1907 і 1908 гадоў выдання), паэмы «Конрад Валенрод» і «Гражына» (1863 года выдання), сусветна вядомыя рамантычныя балады: «Люблю я!», «Свіцязянка», «Рыбка» і інш., сусветны шэдэўр — паэтычны цыкл «Крымскія санеты», філасофскі твор «Дзяды» і г. д.

Кантактны тэлефон: 293-28-86.

Навіны

Росчырк Марка Шагала і асабісты подпіс Віктора Гюго – рэдкія асобнікі ў фондах Нацыянальнай бібліятэкі

18 Ліс 2019

А ці ведаеце вы, што ў Нацыянальнай бібліятэцы ёсць выданні з аўтографамі вядомых асоб – Сальвадора Далі, Марка Шагала, Віктора Гюго, Васіля Быкава і многіх іншых? Як знайсці гэтыя пярліны фондаў, раскажам у нашым матэрыяле.

Аўтарскі погляд

Круцейшыя, чым у братоў Грым: выходзіць зборнік беларускіх чарадзейных казак

18 Ліс 2019

На “Вулеі” ідзе краўдфандынгавая кампанія для выпуску незвычайнага зборніка: “Вядзьмар, які рабіўся ваўком” – гэта трыццаць беларускіх казак з класічных збораў этнографаў XIX–XX стагоддзяў Паўла Шэйна, Еўдакіма Раманава, Міхала Федароўскага і Уладзіслава Вярыгі.

Навіны бібліятэк

Пяцітомнік “Перамога” папоўніў фонд “алмаза ведаў”

16 Ліс 2019

У новым будынку Расійскай нацыянальнай бібліятэкі 15 лістапада адбылося пасяджэнне Савета аддзялення Расійскага гістарычнага таварыства ў рамках VII Усерасійскага форуму публічных бібліятэк “Муніцыпальныя бібліятэкі новага пакалення: рэгіянальны погляд”, на якім Рэспубліку Беларусь прадставіў дырэктар Нацыянальнай бібліятэкі Беларусі Раман Сцяпанавіч Матульскі.

Навіны Нацыянальнай бібліятэкі Беларусі

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

111