З 2 чэрвеня да 23 жніўня ў Нацыянальнай бібліятэцы Беларусі (3-ці паверх, кальцавы калідор) дэманструецца тэматычная кніжная выстаўка “Народы свету: людзі, культуры, лад жыцця”.
2010 год абвешчаны Арганізацыяй Аб’яднаных Нацый Міжнародным годам збліжэння культур. ЮНЕСКА прызначана вядучай установай сістэмы ААН па каардынацыі мерапрыемстваў у рамках гэтага Года, правядзенне якога заклікана даць новы імпульс развіццю культурнай разнастайнасці і пашырэнню дыялога паміж культурамі.
Нацыянальная бібліятэка Беларусі прапануе ўвазе наведвальнікаў і чытатоў выстаўку “Народы свету: людзі, культуры, лады жыцця”, мэта якой – даць разгорнутае ўяўленне пра гісторыю быту і звычаяў народаў розных краін і эпох. Перад чытачом паўстане чароўны калейдаскоп народаў і этнічных груп Еўропы, Азіі, Афрыкі, Амерыкі, Аўстраліі і Акіяніі. Сабрана інфармацыя пра іх паходжанне, рассяленне, звычаі і традыцыі, характэрныя культурныя асаблівасці і ўмовы сучаснага жыцця.
Больш за 400 выданняў, што выйшлі за апошнія пяць год, расказваюць пра тое, што часта застаецца за кулісамі фундаментальных гістарычных даследаванняў. Людзі ва ўсе часы застаюцца перш за ўсё мужчынамі і жанчынамі з іх дабрачыннасцю і заганамі, з вялікімі і малымі слабасцямі і жаданнямі, са штодзённым побытам і ўцехамі. У тым ліку і з гэтых звычайных турбот і зносін з цягам часу складваюцца нацыянальныя асаблівасці і культура. І незалежна ад дзяржаўных межаў, якія не раз мяняліся ў ходзе гісторыі і часам праводзіліся адвольна, сфарміраваліся самабытныя і зусім непадобныя народы і культуры.
Інтарэс прадстаўляюць выдавецкія серыі: “Народы мира”, “Загадки древних цивилизаций”, “Сокровенная история цивилизаций”, “Живая история. Повседневная жизнь человечества”, “Культура повседневности”, “Популярная историческая библиотека”.
Кантактныя тэлефоны: 293-28-86, 293-29-80.
Увага! У чытальных залах арганізаваны доступ да поўных спісаў літаратуры, прадстаўленай на ўсіх кніжных выстаўках, якія ладзяцца ў бібліятэцы.
 |
 |
 |
 |
 |
 |
 |
 |
 |
