ГалоўнаяНавіныКніжныя выстаўкі
Жамчужыны беларускай прыроды
Міжнародны тэрарызм: вытокі, праблемы, процідзеянні

Музыкант вялікага таленту і натхнення

Музыкант вялікага таленту і натхнення
Іншыя навіны

З 17 ліпеня па 3 верасня ў зале нотных і аўдыёдакументаў (пам. 305) праходзіць выстаўка «Музыкант вялікага таленту і натхнення», прысвечаная 70-годдзю кампазітара, народнага артыста Беларусі і СССР, заслужанага дзеяча мастацтваў Беларусі, прафесара, старшыні Саюза кампазітараў Беларусі Ігара Міхайлавіча Лучанка.



Багатая кампазітарская спадчына таленавітага майстра – значная з´ява ў музычным мастацтве і грамадскім жыцці рэспублікі. Яго інструментальныя і вакальна-інструментальныя творы акадэмічнага напрамку трывала ўвайшлі ў канцэртны і педагагічны рэпертуар. Найвялікшай жа папулярнасцю і любоўю слухачоў карыстаюцца шматлікія песні І.М. Лучанка, прасякнутыя шчырасцю і цеплынёй, меладычнай выразнасцю, яскравым нацыянальным каларытам, непаўторным зліццём слова і музыкі.

На выстаўцы экспанаваны ноты і гуказапісы вядомых твораў кампазітара, якія сталі лаўрэатамі фестываляў і конкурсаў. Сярод іх – песні-балады «Памяць сэрдца», «Хатынь», лірычныя партрэты «Вераніка», «Алеся», велічныя гімны роднай зямлі «Спадчына», «Мой родны кут», «Жураўлі на Палессе ляцяць», паэма-легенда «Гусляр». Шырокі творчы дыяпазон адлюстроўваюць інструментальныя кампазіцыі «Гумарэска», «Бярозка», «Беларускія малюнкі». Уяўленні аб мастацкім абліччы І.М. Лучанка дапамагаюць скласці кнігі, публікацыі з перыядычных выданняў і фотаматэрыялы, якія таксама прадстаўлены на выстаўцы.

Кантактны тэл. 293-27-52

Навіны

Да 100-годдзя з дня нараджэння беларускага пісьменніка Аляксея Карпюка створаны інфармацыйны рэсурс пра яго жыццё і творчасць

4 Чэр 2020

“Электронны музей А.М. Карпюка” – такі новы праект Цэнтралізаванай бібліятэчнай сістэмы г. Гродна папаўніў калекцыю віртуальных музеяў, прысвечаных людзям, якія праславілі гэты край.

Бібліятэка анлайн

500-гадовы юбілей Астафія Валовіча, дзяржаўнага і грамадскага дзеяча ВКЛ, правазнаўца, мецэната-асветніка

5 Чэр 2020

З імем Астафія (Яўстафія) Багданавіча Валовіча (каля 1520 – 1587 ці 1588) звязана цэлая эпоха станаўлення беларускай дзяржаўнасці.

Па старонках беларускага календара

Вебінар па інфармацыйным напаўненні сайтаў РЗЭК

2 Чэр 2020

2 чэрвеня на віртуальнай пляцоўцы Нацыянальнай бібліятэкі адбыўся навучальны вебінар "Размяшчэнне навін і аб'яў у Рэгіянальным зводным электронным каталогу бібліятэк Беларусі", прысвечаны інфармацыйнаму напаўненню кантэнту рэгіянальных зводных каталогаў бібліятэк Беларусі.

Бібліятэка анлайн

Дызайн выдавецкай маркі Крыстафа Плантэна: погляд праз 500 гадоў

1 Чэр 2020

Сёлета святкуецца 500-годдзе знакамітага выдаўца Крыстафа Плантэна, які заснаваў ў XVI ст. тыпаграфію ў Антверпене і паступова ператварыў яе ў адну з лепшых у Еўропе. Ува многіх музеях і бібліятэках свету запланаваны мерапрыемствы, прымеркаваныя да святкавання юбілею друкара. Каб адзначыць юбілейную дату, Нацыянальная бібліятэка Беларусі таксама падрыхтавала шэраг акцый.

Навіны Нацыянальнай бібліятэкі Беларусі

111