З 3 верасня па 12 лістапада 2007 г. у зале нотных і аўдыёдакументаў (пам. 305) праходзіць тэматычная выстаўка "Музыка і камп'ютэр". Хуткае развіццё камп'ютэрных тэхналогій прывяло да іх шырокага распаўсюджвання, у тым ліку і ў галіне музычнай дзейнасці.
У экспазіцыі больш за 80 дакументаў (кнігі, кампакт-дыскі, перыядычныя выданні). На выстаўцы можна знайсці інфармацыю аб выкарыстанні праграмнага забеспячэння для стварэння музычных твораў, аб стварэнні ўласных кампакт-дыскаў і аб многім іншым. Выстаўка разлічана на шырокае кола музыкантаў - ад прафесіяналаў да аматараў, якія актыўна выкарыстоўваюць камп'ютэр ў сваёй творчасці. Экспанаты выстаўкі таксама будуць цікавымі для выкладчыкаў музыкі, якія могуць азнаёміцца з перспектыўнымі шляхамі ўдасканальвання навучальнага працэсу на ўроках музыкі з улікам мультымедыйных магчымасцей камп'ютэра. Кантакты тэлефон 293-27-52
