ГалоўнаяНавіныКніжныя выстаўкі
Урачыстае ўручэнне дзяржаўных узнагарод Рэспублікі Беларусь
Сусветныя электронныя інфармацыйныя рэсурсы для навукі, адукацыі і бізнесу ў Беларусі

Мудрасць, гумар і сакавітае слова

Іншыя навіны

З 5 лістапада па 5 снежня ў зале беларускай літаратуры (пам. 205) праходзіць выстаўка “Мудрасць, гумар і сакавітае слова”, прысвечаная 75-годдзю з дня нараджэння Івана Сцяпанавіча Курбекі (1934–2009), беларускага паэта і літаратуразнаўца.


Экспазіцыя складаецца з трох раздзелаў. Аснову першага – “Душы высокае імкненне” – складаюць асобныя выданні твораў пісьменніка: зборнік гумарыстычных вершаў “Абы здароўе” (1979), кніга лінгвістычных загадак “Хітрыя літары” (1991), зборнік “Руска-беларускія крыжасловы: Займальны дапаможнік для ўдасканалення мовы” (1993).

Іван Сцяпанавіч шмат гадоў працаваў у музеях Я. Купалы і Я. Коласа. Памяць пра народных песняроў ушанавана яго жывым словам у кнізе “Запрашэнне ў музей” (2008). І.С. Курбека таксама з’яўляецца складальнікам выданняў “Янка Купала” (1965, 2-е выд. 1983), “Літаратурны музей Якуба Коласа“ (1967), “Якуб Колас” (1967, 2-е выд. 1980 у сааўт. з М.У. Базарэвічам), “Успаміны пра Якуба Коласа” (1982), “Янка Купала. П’есы, пераклады” (1992), “Шляхі” (1992) і інш.

У наступным раздзеле “Пачуцці, думкі, вобразы” экспануюцца творы, змешчаныя ў калектыўных зборніках “Універсітэт паэтычны” (1971), “Аўцюкі за каўнерам” (1989), “Вожык смяецца” (1992) і інш. У экспазіцыі прадстаўлены таксама шэраг перыядычных выданняў, у якіх друкаваліся вершы і літаратуразнаўчыя артыкулы І.С. Курбекі. У галіне літаратуразнаўства ён быў дасведчаным навукоўцам, а ў асяродку пісьменнікаў Івана Сцяпанавіча вылучала выключнае пачуццё гумару.

З жыццём і творчасцю юбіляра знаёмяць публікацыі, змешчаныя ў раздзеле “Спасцігаючы тайны зямныя”, дзе прадстаўлены энцыклапедычныя і перыядычныя выданні.

На выстаўцы экспануецца больш за 40 дакументаў.

Кантактны тэлефон: 293-27-16.

Навіны

Магчымасці выкарыстання віртуальнай чытальнай залы Нацыянальнай бібліятэкі прадстаўлены ў Брэсцкім дзяржаўным універсітэце

27 Лют 2020

26 лютага ў Брэсцкім дзяржаўным універсітэце імя А.С. Пушкіна прайшоў семінар "Сучасныя падыходы да павышэння эфектыўнасці інфармацыйнага забеспячэння навуковай і адукацыйнай дзейнасці".

Навіны Нацыянальнай бібліятэкі Беларусі

Семінар віртуальнай чытальнай залы Нацыянальнай бібліятэкі Беларусі ў Беларускім дзяржаўным універсітэце

27 Лют 2020

26 лютага ў Беларускім дзяржаўным універсітэце прайшоў семінар “Публікацыйная стратэгія вучонага”. Мерапрыемства было арганізавана БДУ сумесна з Нацыянальнай бібліятэкай Беларусі і кампаніяй Clarivate Analytics.

Навіны Нацыянальнай бібліятэкі Беларусі

Лекцыя “Ад «Маладняка» да «Маладосці»”

27 Лют 2020

26 лютага на факультэце сацыякультурных камунікацый Беларускага дзяржаўнага ўніверсітэта пры кафедры тэорыі і практыкі перакладу ў рамках рэспубліканскага праекта “На хвалі часу, у плыні жыцця” адбылася лекцыя “Ад «Маладняка» да «Маладосці»”.

Навіны Нацыянальнай бібліятэкі Беларусі

Эпізоды мастацкага жыцця Віцебска на старонках газет

27 Лют 2020

Пры ўсіх неадназначных працэсах, якія адбываліся на тэрыторыі Беларусі ў палітычнай, духоўнай і культурнай сферах у 1917–1922 гг., ішлі станаўленне беларускага нацыянальнага выяўленчага мастацтва і фарміраванне шматнацыянальнай групы мастакоў.

Праект “Сведкі эпохі: Беларусь на старонках газет 100-гадовай даўніны”

Кансервацыя папяровых дакументаў: сучасны стан, тэндэнцыі развіцця – абмяркоўваем разам

26 Лют 2020

25 лютага на базе аддзела рэстаўрацыі і кансервацыі бібліятэчных дакументаў Нацыянальнай бібліятэкі Беларусі адбыўся вэбінар на тэму “Кансервацыя папяровых дакументаў: сучасны стан, тэндэнцыі развіцця” для абласных бібліятэк.

Навіны Нацыянальнай бібліятэкі Беларусі

Семінар віртуальнай чытальнай залы ў БДУІР

26 Лют 2020

25 лютага пасля семінара ў Нацыянальнай бібліятэцы Беларусі электронная платформа Web of Science і рэсурсы віртуальнай чытальнай залы былі прадстаўлены ў Беларускім дзяржаўным універсітэце інфарматыкі і радыёэлектронікі.

Навіны Нацыянальнай бібліятэкі Беларусі

Даследчык спадчыны Францішка Багушэвіча

26 Лют 2020

Літаратуразнавец Уладзімір Ільіч Содаль кіраваў тэлестудыяй “Ліцэй”, вёў перадачу “ Роднае слова”, яго пяру належаць кнігі і альбомы, якія адкрывалі невядомыя старонкі жыцця нашых літаратурных класікаў, радавалі і ўсцешвалі чытачоў.

Навіны бібліятэк

111