З 1 па 22 лістапада ў кальцавым калідоры 2-га паверха арганізавана тэматычная выстаўка “Мода на здароўе”.
У сучасным свеце вырашальным фактарам эканамічнага, палітычнага і сацыяльнага развіцця з'яўляецца захаванне здароўя людзей і перш за ўсё здароўя падрастаючага пакалення.
Рэспубліка Беларусь з'яўляецца сацыяльна арыентаванай дзяржавай і праводзіць у жыццё палітыку, накіраваную на ўмацаванне здароўя, фарміраванне здаровай нацыі. Здароўе насельніцтва – адна з галоўных умоў паспяховай рэалізацыі стратэгіі сацыяльна-эканамічнага развіцця Беларусі.
На кніжнай выстаўцы “Мода на здароўе” прадстаўлена каля 200 дакументаў: даведнікі, энцыклапедычныя выданні, дапаможнікі і навукова-папулярная літаратура.
У раздзеле “Сучасны спорт” акрамя літаратуры пра такія папулярныя ў нашай краіне віды спорту, як хакей, футбол, тэніс, гімнастыка, лёгкая атлетыка, прадстаўлена літаратура пра спартсменаў, якія дасягнулі значных вышынь у гэтых відах спорту.
У раздзеле “Аздараўленчыя практыкі” падабрана літаратура пра лячэбную гімнастыку, бег, скандынаўскую хадзьбу і розныя віды масажу.
Раздзел выстаўкі “Замест лекаў” знаёміць чытача з літаратурай пра ўсходнія аздараўленчыя практыкі, колерапунктуру, дэльфінатэрапію і іншыя нетрадыцыйныя віды медыцыны.
Экспазіцыя адрасавана шырокаму колу чытачоў і наведвальнікаў бібліятэкі.
Кантактны тэлефон: (8 017) 293 28 86.