З 9 верасня па 12 кастрычніка Нацыянальная бібліятэка Беларусі запрашае наведаць святочную кніжную экспазіцыю «Мінск ХХІ стагоддзя», якая прысвечана да Дня горада.
Мінск увайшоў у ХХІ стагоддзе, маючы свой непаўторны стыль, у якім побач існуюць самыя сучасныя архітэктурныя аб’екты і адноўленыя старажытныя мясціны.
На выстаўцы Мінск раскрыты як палітычны, культурны, навуковы і эканамічны цэнтр Рэспублікі Беларусь, які мае 9 адміністрацыйных раёнаў, кожны з якіх прадстаўлены асобным інфармацыйным выданнем.
Шырыню звыш 600 сталічных вуліц і праспектаў можна параўнаць з шырынёй і адкрытасцю беларускай душы, пазнаваць якую трэба на яскравых прыкладах і дасягненнях беларускага мастацтва, культуры і асветы. Шмат змястоўнай інфармацыі аб дзяржаўных театрах, музеях і вядучых навучальных установах Мінска сабрана ў раздзелах "Духоўнае жыццё Мінска" і "Горад ведаў".
Мінск – прыгожы, цікавы, прыцягальны і гасцінны горад. Яго любяць і шануюць не толькі жыхары сталіцы, але і шматлікія госці нашай краіны, якія, аднойчы пабываўшы ў ім, з вялікай радасцю вяртаюцца ізноў. Раздзелы "Цэнтр міжнародных камунікацый", "Прамысловы і дзелавы цэнтр краіны" змяшчаюць сведкі пра найбольш значныя міжнародныя выстаўкі і дзелавыя форумы, а таксама пра буйныя і паспяховыя прадпрыемствы горада.
Большую частку выстаўкі займаюць альбомы, турыстычныя буклеты, брашуры, выяўленчыя дакументы з краявідамі, гістарычнымі мясцінамі і помнікамі Мінска. На шматлікіх паштоўках адлюстраваны горад – маляўнічы зранку, квітнеючы днём, зіхатлівы ноччу, чароўны, як з высаты чалавечага росту, так і з высаты птушынага палёту.
Выстаўка размешчана на 2-м паверсе кальцавога калідора.
Кантактныя тэлефоны: 293-28-86, 293-29-80.
Увага! У чытальных залах арганізаваны доступ да поўных спісаў літаратуры, прадстаўленай на ўсіх кніжных выстаўках, якія ладзяцца ў бібліятэцы.
Карысныя спасылкі
Афіцыйны сайт Мінскага гарадскога выканаўчага камітэта