ГалоўнаяНавіныКніжныя выстаўкі
Залатыя правілы здароўя
Трансфармацыя магчымая, але…

Мелодыя аголенага нерва

Мелодыя аголенага нерва
Іншыя навіны

З 12 лістапада па 31 снежня ў зале нотных і аўдыявізуальных дакументаў (пам. 305) праходзіць выстаўка “Мелодыя аголенага нерва”, прысвечаная 80-годдзю з дня нараджэння расійскага кампазітара Альфрэда Гарыевіча Шнітке (1934–1998).


Экспазіцыя расказвае пра творчасць заслужанага дзеяча мастацтваў Расіі, таленавітага кампазітара, майстра з неспакойнай падсвядомасцю і глыбокай схільнасцю да эксперыменту. Яго творам уласціва вострая ўвага да праблем сучаснасці, лёсаў чалавецтва, пытанняў культуры. Для яго характэрны маштабныя задумы, кантрасная драматургія, напружаная экспрэсія музычнага гуку. Адной з асаблівасцей музыкі Альфрэда Шнітке з’яўляецца шматстылёвасць, або полістылістыка, якая часам нагадвае мудрагелісты калаж.

Кампазітарам створаны оперы “Жыццё з ідыётам” (1991), “Джэзуальда” (1994); балеты “Эскізы” (паст. 1985), “Лабірынты” (1989), “Пер Гюнт” (1989); сцэнічная кампазіцыя “Жоўты гук” (паст. 1984); кантата “Гісторыя доктара Іагана Фаўста” (1983), рэквіем (1975), дзевяць сімфоній (1972–1998), інструментальныя канцэрты (у жанры concertо grossо), канцэрты для скрыпкі з аркестрам, для габоя і арфы, для фартэпіяна, альта, віяланчэлі, аркестравыя п’есы, серэнады, фартэпіянны квінтэт, квартэт, гімны, струннае трыа, санаты і многае інш.

Альфрэд Шнітке плённа працаваў у тэатры і кіно, напісаўшы музыку да шматлікіх тэатральных пастановак і некалькіх дзясяткаў кінафільмаў, сярод якіх “Аповесць пра невядомага акцёра”, “Экіпаж”, “Агонія” і інш. Акрамя таго, яго пяру належыць шэраг артыкулаў, у тым ліку пра творчасць кампазітараў XX ст.

Асноўны раздзел выстаўкі “Мелодыя аголенага нерва” склалі нотныя матэрыялы з творамі кампазітара: Гімны для камерна-інструментальнага ансамбля, сюіта “Рэвізская казка”, Сюіта ў старадаўнім стылі, Першы канцэрт для скрыпкі з аркестрам, Канон памяці І. Стравінскага, санаты № 0, № 1, № 2, № 3, п’есы для скрыпкі і фартэпіяна, кантата “Песні вайны і міру” і інш.

Значнае месца ў экспазіцыі адведзена аўдыязапісам вядомых твораў Альфрэда Шнітке, такіх як Саната № 1 для фартэпіяна, Канцэрт для віяланчэлі з аркестрам, Канцэрт для хору ў чатырох частках, Гімны для камерна-інструментальнага ансамбля, Скрыпічнае трыа, Канцэрт для альта з аркестрам, сімфоніі № 1, № 2, № 3, № 4, № 8, музыка да кінафільмаў і многае інш.

Дапаўняюць экспазіцыю аўтарскія артыкулы Альфрэда Гарыевіча, а таксама кнігі і часопісныя публікацыі, у якіх раскрываецца яго жыццёвы і творчы шлях. Сярод дакументаў – першая манаграфія пра кампазітара В. Холапавай і Я. Чыгаровай “Альфред Шнитке: очерк жизни и творчества” (1990). Кніга ілюстравана шматлікімі фатаграфіямі і змяшчае нотны і даведачны матэрыялы. Прывабіць увагу наведвальнікаў выданне “Беседы с Альфредом Шнитке” (1994), дзе сабраны запісы дыялогаў з вядомым кампазітарам, якія вёў на працягу 1985–1992 гг. складальнік кнігі А. Івашкін.

Выстаўка будзе цікавай як музыкантам-прафесіяналам, так і шырокаму колу прыхільнікаў творчасці Альфрэда Шнітке.

Кантактны тэлефон: (8 017) 293 27 52.

Навіны

Больш, чым пісьменнік: адкрылася выстаўка “Княства вобразаў і слоў”

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

#BelBookChallenge 2020 – на старт!

27 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

Цытаты Уладзіміра Караткевіча

25 Ліс 2020

26 лістапада спаўняецца 90 гадоў з дня нараджэння класіка беларускай літаратуры Уладзіміра Караткевіча. Разам з дзеткамі цытуем аднаго з самых яркіх і самабытных прадстаўнікоў беларускай літаратуры ХХ стагоддзя.

Навіны Нацыянальнай бібліятэкі Беларусі

111