ГалоўнаяНавіныКніжныя выстаўкі
“Падобны на вялікае дзіця...”
Газеты “Бацькаўшчына” і “Беларус”: Дзве душы – адзін лёс

Майстар каменнага летапісу

Майстар каменнага летапісу
Іншыя навіны

З 2 па 31 жніўня ў зале дакументаў па мастацтве (пам. 306) праходзіць кніжна-ілюстрацыйная выстаўка “Майстар каменнага летапісу”, прысвечаная 80-годдзю з дня нараджэння беларускага архітэктара Вячаслава Міхайлавіча Чарнатава (1939–2016).

Нястомны даследчык, аўтарытэтны вучоны, таленавіты архітэктар і мудры педагог, сапраўдны энтузіяст сваёй справы, чалавек высокай культуры і эрудыцыі, бясконца добры і спагадлівы, які імкнуўся шчодра дзяліцца сваімі ведамі і адкрыццямі, – такім быў Вячаслаў Міхайлавіч.

Імкнучыся захаваць нацыянальную архітэктурную спадчыну, ён спрыяў аднаўленню гістарычна каштоўных будынкаў, кіраваў рэстаўрацыйнымі работамі, супрацоўнічаў з Беларускім добраахвотным таварыствам аховы помнікаў гісторыі і культуры. Па праектах архітэктара пабудаваны рэстаран у Барысаве, гандлёвы цэнтр у Дзяржынску, навучальны корпус Інстытута кіравання і прадпрымальніцтва ў Мінску і іншыя грамадскія будынкі.

Імя Чарнатава значнае і прызнанае ў беларускай навуцы. Вучоны даследаваў праблему праяўлення нацыянальнага ў архітэктуры на прыкладзе дойлідства беларускіх гарадоў другой паловы ХIХ – пачатку ХХ ст. Ён упершыню раскрыў паняцце “майстар архітэктуры”, стварыўшы шэраг манаграфій, прысвечаных беларускім архітэктарам Георгію Заборскаму, Абраму Духану, Уладзіміру Каралю, Станіславу Шабунеўскаму. В.М. Чарнатаў – аўтар кніг “Памятники военной истории и боевой славы” і “Сынам Отчизны” аб мемарыяльных збудаваннях на тэрыторыі Беларусі. Гэтыя выданні прадстаўлены на выстаўцы.

Выклічуць цікавасць шматлікія артыкулы Вячаслава Міхайлавіча, апублікаваныя ў часопісах “Архитектура и строительство”, “Беларускі гістарычны часопіс”, артыкулы ў навуковых зборніках, калектыўных выданнях, даведніках і энцыклапедыях.

На працягу многіх гадоў Вячаслаў Міхайлавіч Чарнатаў быў адданым чытачом Нацыянальнай бібліятэкі, часта працаваў у зале дакументаў па мастацтве. Супрацоўнікі з цеплынёй і шчырай павагай успамінаюць гэтага таленавітага чалавека.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Навіны

Асаблівасці арганізацыі навучальнага працэсу: у бібліятэцы прайшла метадычная секцыя настаўнікаў беларускай мовы і літаратуры

23 Жні 2019

23 жніўня ў бібліятэцы адбылася жнівеньская гарадская метадычная секцыя настаўнікаў беларускай мовы і літаратуры ўстаноў агульнай сярэдняй адукацыі г. Мінска “Асаблівасці арганізацыі адукацыйнага працэсу па вучэбных прадметах «Беларуская мова» і «Беларуская літаратура» ў 2019–2020 навучальным годзе”.

Навіны Нацыянальнай бібліятэкі Беларусі

Сустрэчы з адвакатам

23 Жні 2019

Запрашаем карыстальнікаў на бясплатныя тэматычныя сустрэчы з адвакатамі, арганізаваныя ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Навіны Нацыянальнай бібліятэкі Беларусі

Людка Сільнова: “Я – Чалавек Дужы”

19 Кра 2017

Людміла Данілаўна Сільнова – паэтэса, пісьменніца, галоўны бібліёграф НДА кнігазнаўства Нацыянальнай бібліятэкі Беларусі – напярэдадні свайго юбілею дала інтэрв’ю нашаму інтэрнэт-парталу.

Партрэты: гісторыя бібліятэкі ў асобах

Адкрыты доступ да электронных рэсурсаў выдавецтва Elsevier па змяненні клімату

21 Жні 2019

Найбуйнейшы ў свеце выдавец навуковай літаратуры кампанія Elsevier стварыла электронную бібліятэку па змяненні клімату – Climate Change Library, якая ўключае звыш 5 000 поўных тэкстаў артыкулаў, апублікаваных у 412 часопісах Elsevier у 2018 і 2019 гадах.

Навіны Нацыянальнай бібліятэкі Беларусі

111