З 16 лістапада па 14 снежня ў зале нотных і аўдыёдакументаў (пам. 305) праходзіць выстаўка "Майстар бельканта", прысвечаная 210-годдзю з дня нараджэння італьянскага кампазітара Гаэтана Даніцэці (1797-1848).
Выхадзец з беднай сям’і, Гаэтана Даніцэці дзякуючы падтрымцы свайго настаўніка – опернага кампазітара Сымона Майра – змог атрымаць грунтоўную музычную адукацыю. Ён з’яўляецца аўтарам шэрага опер, шматлікіх камерна-інструментальных, аркестравых і духоўных вакальных твораў. Першы вялікі поспех прыйшоў да кампазітара ў 1822 г., калі ў Неапалі адбылася прэм’ера яго оперы "Цыганка" (La zingara). У Неапалі кампазітар працаваў некалькі гадоў. Тут ён рэгулярна дырыжаваў і пісаў да 5 опер на год. Міжнародную вядомасцькампазітару прынесла опера "Ганна Балейн", пастаўленая ў Мілане ў 1830 г. Найвялікшы трыумф мела опера "Лючыя ды Ламермур", напісаная ў 1935 г. Яна стала эталонам італьянскай рамантычнай оперы з ракавымі пачуццямі, трагічнай развязкай і дамінуючай фігурай гераіні. Большасць з оперДаніцэці адлюстроўваюць эстэтыку "веку прымадонн"; іх поспех шмат у чым быў абумоўлены майстэрствам выканаўцаў галоўных ролей – Джудыты Пасты, Джуліі Грызі і інш.
Дзякуючы пластычным, лёгка запамінальным мелодыям, эфектным арыям, умела арганізаваным драматычным кульмінацыям, а таксама рамантычнаму тэмпераменту кампазітара яго творы не старэюць.
Акрамя опер, творчую спадчыну Даніцэці складаюць таксама розныя жанры інструментальнай, царкоўнай і вакальнай музыкі. На выстаўцы сабраны дакументы з фондаў Нацыянальнай бібліятэкі Беларусі:
- выбраныя ўрыўкі з опер "Цыганка" (La zingara), "Ганна Балейн", "Лючыя ды Ламермур", "Фаварытка", "Любоўны напітак";
- канцэрціна для англійскага ражка з аркестрам;
- творы духоўнай музыкі.
Усяго ў экспазіцыі налічваецца больш за 60 дакументаў: альбомы, ноты, кампакт-дыскі, артыкулы і кнігі аб кампазітары.
Кантактны тэлефон 293-27-52
