ГалоўнаяНавіныКніжныя выстаўкі
Свет дзяцінства
Старэйшы брат паэта. Вадзім Багдановіч: лідар, натхняльнік, змагар

Мастак, які малюе час

Мастак, які малюе час
Іншыя навіны

З 1 красавіка па 2 мая ў зале дакументаў па мастацтве (пам. 306) праходзіць кніжна-ілюстрацыйная выстаўка “Мастак, які малюе час”, прысвечаная 90-годдзю з дня нараджэння вядомага беларускага жывапісца і педагога Мая Вольфавіча Данцыга (1930–2017).

Вайна, горад, новабудоўлі, працоўныя будні… Здаецца, усе гэтыя знаёмыя тэмы ўжо даўно ўкараніліся ў нашай свядомасці, іх лёгка ўявіць, імі нельга здзівіць… Але ў творчасці Мая Данцыга гэтыя вобразы паўстаюць зусім па-іншаму, яны актуальныя, бо раскрываюцца ў незвычайных ракурсах і кампазіцыях, уражваюць сваёй манументальнасцю, прыцягваюць увагу свежасцю ўспрымання, выклікаюць пытанні і нараджаюць думкі. І гэта невыпадкова, бо па словах мастака “…самае цікавае ў мастацтве нават не новая тэма, а старая, узятая і вырашаная па-новаму”.

Майстар шырокага творчага дыяпазону, Май Данцыг працаваў у жанрах станковага і манументальнага жывапісу, сюжэтна-тэматычнай карціны, ствараў пейзажы, нацюрморты, партрэты сваіх сучаснікаў. Яго называюць мастаком-урбаністам, які здолеў стварыць рытм і пульс горада, улавіць яго гукі. Данцыга лічаць і мастаком-філосафам, які сродкамі жывапісу прадставіў роздум пра жыццё, свой час і эпоху, перадаў пачуццё радасці ад стварэння новага, імкненне да лепшага і жыццясцвярджальнага.

dancyh_i_pomnit_mir_spasennyj.jpg

Выстаўка знаёміць з усімі тэмамі і жанрамі, у якіх працаваў Май Данцыг. Так, не пакінуць абыякавымі рэпрадукцыі твораў, прысвечаных вайне, жорсткасць і недарэчнасць якой мастак адчуў яшчэ ў дзяцінстве: “І памятае свет выратаваны”, “Беларусь – маці партызанская”, нацюрморт “Аб Вялікай Айчыннай…”, “Партызанская балада”.

З карцін Данцыга “Мой горад старажытны, малады”, “Мой Мінск”, “Мінск. Вясна 1944 года”, “Мінск. Плошча Перамогі” перад гледачамі паўстае Мінск савецкага часу. Сёння гэтыя работы ўяўляюць сабой не толькі мастацкую, але і гістарычную каштоўнасць і сведчаць пра існаванне тых помнікаў архітэктуры, якія не захаваліся да нашых дзён.

dancyh.jpg

Прыцягнуць увагу выразныя вобразы будаўнікоў, працоўных, людзей свайго часу з карцін “Навасёлы”, “Растуць новыя кварталы”, “Гудзе зямля Салігорская! Вячэрняя змена”, “Золата зямлі”, “Стваральнікі” з трыпціху “На варце свету”. На партрэтах Данцыга лёгка пазнаць прадстаўнікоў творчай інтэлігенцыі, сярод якіх Васіль Быкаў, Алесь Адамовіч, акцёр Віктар Авілаў.

cB-rlWxHsqY.jpg

Дапаўняюць выстаўку кнігі, каталогі выставак, артыкулы пра мастака беларускіх даследчыкаў Н. Сяліцкай, Н. Шаранговіч, К. Ізафатавай, С. Харэўскага, К. Мельніка. Сярод матэрыялаў вылучаецца багата ілюстраваны альбом рэпрадукцый “Май Данциг. Живопись, графика” (2016), дзе сабрана шматгранная спадчына майстра. Будзе карыснай і кніга мастацтвазнаўца Б. Крэпака, прысвечаная жывапісцу. У альбоме “Май Данциг = Mai Dantsig” (1Ба233488К) для чытачоў Нацыянальнай бібліятэкі мастак пакінуў свой аўтограф.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Навіны

Да 100-годдзя з дня нараджэння беларускага пісьменніка Аляксея Карпюка створаны інфармацыйны рэсурс пра яго жыццё і творчасць

4 Чэр 2020

“Электронны музей А.М. Карпюка” – такі новы праект Цэнтралізаванай бібліятэчнай сістэмы г. Гродна папаўніў калекцыю віртуальных музеяў, прысвечаных людзям, якія праславілі гэты край.

Бібліятэка анлайн

500-гадовы юбілей Астафія Валовіча, дзяржаўнага і грамадскага дзеяча ВКЛ, правазнаўца, мецэната-асветніка

5 Чэр 2020

З імем Астафія (Яўстафія) Багданавіча Валовіча (каля 1520 – 1587 ці 1588) звязана цэлая эпоха станаўлення беларускай дзяржаўнасці.

Па старонках беларускага календара

Вебінар па інфармацыйным напаўненні сайтаў РЗЭК

2 Чэр 2020

2 чэрвеня на віртуальнай пляцоўцы Нацыянальнай бібліятэкі адбыўся навучальны вебінар "Размяшчэнне навін і аб'яў у Рэгіянальным зводным электронным каталогу бібліятэк Беларусі", прысвечаны інфармацыйнаму напаўненню кантэнту рэгіянальных зводных каталогаў бібліятэк Беларусі.

Бібліятэка анлайн

Дызайн выдавецкай маркі Крыстафа Плантэна: погляд праз 500 гадоў

1 Чэр 2020

Сёлета святкуецца 500-годдзе знакамітага выдаўца Крыстафа Плантэна, які заснаваў ў XVI ст. тыпаграфію ў Антверпене і паступова ператварыў яе ў адну з лепшых у Еўропе. Ува многіх музеях і бібліятэках свету запланаваны мерапрыемствы, прымеркаваныя да святкавання юбілею друкара. Каб адзначыць юбілейную дату, Нацыянальная бібліятэка Беларусі таксама падрыхтавала шэраг акцый.

Навіны Нацыянальнай бібліятэкі Беларусі

111