З 19 студзеня па 1 лютага ў зале выяўленчых і відэадакументаў (пам. 307) праходзіць выстаўка “Мастак эпохі”, прысвечаная 145-годдзю з дня нараджэння рускага мастака Валянціна Аляксандравіча Сярова (1865–1911).
Сярэбраны век – адна з самых цудоўных эпох у гісторыі рускай культуры. Нямала таленавітых паэтаў і мастакоў праславілі Расію ў пачатку ХХ ст., сёння іх імёны шырокавядомыя ва ўсім свеце. Мастак Валянцін Сяроў, чалавек Сярэбранага веку, адлюстраваў на сваіх палотнах герояў гэтай непаўторнай эпохі. Увекавечыўшы сваё імя як непераўзыдзены майстар менавіта партрэтнага жывапісу, Сяроў пакінуў не менш значныя работы ў жанрах пейзажа, графікі, кніжнай ілюстрацыі, анімалістыкі, гістарычнага і антычнага жывапісу. Яго творы адрозніваюцца тонкасцю і багаццем каларыту, напоўнены жыццёвай свежасцю і паэзіяй.
Валянцін Аляксандравіч Сяроў займае асобнае месца ў рускім мастацтве мяжы ХІХ–ХХ стст. У сваёй творчасці ён у многім прадвызначыў асноўныя тэндэнцыі развіцця рускага жывапісу, узбагаціў яго новымі мастацкімі сродкамі.
У экспазіцыі прадстаўлена звыш 160 дакументаў: альбомаў, кніг, артыкулаў, паштовак і рэпрадукцый работ вялікага жывапісца.
Выстаўка разлічана на ўсе катэгорыі чытачоў, якія цікавяцца гісторыяй рускага мастацтва канца ХІХ – пачатку ХХ ст.
Кантактны тэлефон: 293-27-58.
 |
 |
 |
 |
 |
 |
 |
 |
 |
