З 18 лютага ў зале нотных і аўдыядакументаў (пам. 305) арганізавана выстаўка “Людзям – шчодрасць сэрца”, прысвечаная 75-годдзю беларускага кампазітара Кіма Дзмітрыевіча Цесакова.
Музыцы кампазітара, педагога, заслужанага дзеяча мастацтваў Беларусі (1998) К.Д. Цесакова ўласцівы маштабнасць вобразна-драматургічнага абагульнення, апора на народна-песенныя традыцыі, філасофская глыбіня. У яго творах выяўляюцца творчая індывідуальнасць аўтара, шырыня яго інтарэсаў і мастацкі погляд.
Кім Цесакоў вядомы як распрацоўшчык арыгінальнага жанру радыёоперы. Ён аўтар радыёопер "Барвовы золак" (1978) і "Палын – трава горкая" (1987).
Працуючы ў розных жанрах, кампазітар стварыў шэраг музычных твораў, сярод якіх араторыі і кантаты, сімфоніі, інструментальныя канцэрты і многае інш.
Значнае месца ў творчасці Кіма Дзмітрыевіча займае музыка для дзяцей і юнацтва.
На выстаўцы прадстаўлены нотныя выданні і аўдыядакументы твораў К. Цесакова, а таксама кнігі і публікацыі, прысвечаныя яго творчасці.
Выстаўка будзе доўжыцца да 12 красавіка.
Кантактны тэлефон: 293-27-52.
 |
 |
|||||||
 |
 |
