З 11 жніўня па 15 верасня ў зале дакументаў міжнародных арганізацый (пам. 207g) адкрыта выстаўка “Людзі дапамагаюць людзям”, прысвечаная Сусветнаму дню гуманітарнай дапамогі.
Гэты Дзень быў абвешчаны на 63-й сесіі Генеральнай Асамблеі ААН у снежні 2008 года (Рэзалюцыя A/RES/63/139) і штогод адзначаецца 19 жніўня. Дата была абрана ў гонар памяці пра загінуўшых падчас выбуху ў штаб-кватэры ААН у Багдадзе (Ірак) 19 жніўня 2003 года. У выніку тэрарыстычнага нападу загінулі 22 чалавекі, у тым ліку спецыяльны прадстаўнік Генеральнага сакратара ААН Сержыу Віейра ды Мелу.
Стыхійныя бедствы, канфлікты і іншыя надзвычайныя сітуацыі штогод пагражаюць жыццю і здароўю мільёнаў людзей. Людзі, якія перажылі жудасныя падзеі, часта застаюцца пазбаўленымі ўсяго – сям’і, прытулку, работы, прадуктаў харчавання. Часта ў іх няма пашпарта або дакумента, які сведчыць асобу. Падчас такіх крызісаў тысячы гуманітарных работнікаў прыкладаюць намаганні для аказання садзейнічання пацярпелым людзям і падтрымкі мясцовых органаў кіравання ў дастаўцы дапамогі. Часта ім прыходзіцца працаваць у самых небяспечных кропках планеты. Яны з’яўляюцца прадстаўнікамі розных культур, ідэалогій і валодаюць розным вопытам, але іх усіх аб’ядноўвае прыхільнасць да гуманістычных прынцыпаў. Гуманітарная дапамога заснавана на такіх асноўных прынцыпах, як гуманнасць, бесстароннасць, нейтральнасць і незалежнасць.
Гуманітарныя работнікі імкнуцца забяспечыць жыццёва неабходную дапамогу і доўгатэрміновую рэабілітацыю людзям, якія пакутуюць ад бедстваў, незалежна ад месца іх пражывання, нацыянальнасці, сацыяльнай прыналежнасці, рэлігіі, полу, расы або якіх-небудзь іншых прыкмет.
У Сусветны дзень гуманітарнай дапамогі аддаецца належнае тым, хто ахвяраваў свае жыцці пры выкананні гуманітарнага абавязку, і хто працягвае дапамагаць мільёнам людзей. Правядзенне гэтага Дня таксама падкрэслівае ўсё яшчэ існуючую неабходнасць у гуманітарнай дапамозе па ўсім свеце і важнасць міжнароднага супрацоўніцтва па яе аказанні.
На думку спецыялістаў, за апошнія дзесяцігоддзі прыкметна ўзрасла здольнасць гуманітарнага супольніцтва хутка і эфектыўна рэагаваць на крызісы і катастрофы, выкліканыя прыроднымі альбо чалавечымі фактарамі, а таксама апярэджваць іх. Аднак, нягледзячы на прыкметныя дасягненні ў галіне гуманітарных аперацый, цяжкасці, з якімі сутыкаюцца мільёны людзей ва ўсім свеце, дагэтуль вельмі значныя і неабходнасць у эфектыўных гуманітарных акцыях як ніколі высокая. Прыродныя катастрофы становяцца ўсё больш разбуральнымі і частымі. Многія мірныя грамадзяне дагэтуль жывуць пад цяжарам доўгіх знясільваючых канфліктаў. Міжнародная гуманітарная супольнасць з дня ў дзень сутыкаецца з новымі пагрозамі: змена клімату, хранічная беднасць, харчовы і фінансавы крызісы, недахоп вады і энергіі, міграцыя, рост насельніцтва, урбанізацыя, пандэміі.
Цяжкія наступствы ўзброеных канфліктаў выклікалі неабходнасць станаўлення і развіцця асобнай галіны міжнароднага права – міжнароднага гуманітарнага права, накіраванага на змякчэнне жорсткасцей вайны, аказанне дапамогі яе ахвярам, гуманізацыю ваенных дзеянняў.
Прапанаваная тэматычная выстаўка раскрывае розныя аспекты міжнароднага супрацоўніцтва ў галіне аказання гуманітарнай дапамогі. У экспазіцыі прадстаўлена каля 60 выданняў: публікацыі замежных і айчынных аўтараў, дакументы міжнародных арганізацый на рускай і англійскай мовах.
Выстаўка змяшчае наступныя тэматычныя раздзелы:
- Міжнародныя арганізацыі, якія ажыццяўляюць гуманітарную дапамогу.
- Сусветны вопыт аказання гуманітарнай дапамогі.
- Міжнароднае гуманітарнае права.
- Чарнобыльская катастрофа і міжнародная гуманітарная дапамога.
Выстаўка адрасавана практычным і навуковым работнікам, выкладчыкам, студэнтам, а таксама ўсім, хто цікавіцца пытаннямі міжнароднага права і міжнародных зносін.
Карысныя спасылкі
- Сусветны дзень гуманітарнай дапамогі
- Гуманітарныя пытанні
- Памяці загінуўшых у выніку выбуху ў штаб-кватэры ААН у Багдадзе 19 жніўня 2003 г.
- Фонд Сержыу Віейра ды Мелу
- Каардынацыя гуманітарнай дзейнасці
- Стыхійныя бедствы
- Памяншэнне небяспекі стыхійных бедстваў і арганізацыя работ па ліквідацыі іх наступстваў
- Упраўленне Вярхоўнага камісара ААН па справах бежанцаў (УВКБ)
Дакументы
- Рэзалюцыі Генеральнай Асамблеі
- Гуманітарная дапамога
- Бяспека і абарона гуманітарнага персаналу і абарона персаналу ААН
- Рэзалюцыі Эканамічнага і сацыяльнага савета
- Рэзалюцыі Савета Бяспекі
- Даклады Генеральнага сакратара
- Гуманітарная дапамога
- Бяспека і абарона гуманітарнага персаналу і абарона персаналу ААН
- Канвенцыя аб бяспецы персаналу Арганізацыі Аб'яднаных Нацый і звязанага з ёй персаналу (1994 год)
- Факультатыўны пратакол да Канвенцыі аб бяспецы персаналу Арганізацыі Аб'яднаных Нацый і звязанага з ёй персаналу (2005 год)
- Стратэгічны план па бяспецы чалавека (2014–2017 гады)
 |
 |
 |
 |
