ГалоўнаяНавіныКніжныя выстаўкі
Вэбінар “Аператыўны рамонт блока сучасных дакументаў”
Падведзены вынікі XXX Рэспубліканскага конкурсу “Бібліятэка – асяродак нацыянальнай культуры”

Лорд англійскага мастацтва

Лорд англійскага мастацтва
Іншыя Навіны

З 14 мая па 12 чэрвеня ў зале дакументаў па мастацтве (пам. 306) праходзіць кніжна-ілюстрацыйная выстава “Лорд англійскага мастацтва”, прысвечаная 295-годдзю з дня нараджэння Томаса Гейнсбара (1727–1788).

Выбітны прадстаўнік англійскага жывапісу эпохі яго росквіту, вядомы пры жыцці як партрэтыст, Гейнсбара быў таксама цудоўным пейзажыстам. Многія яго творы аб’ядноўваюць выявы чалавека і пейзажу. Ён маляваў правінцыйную знаць, элегантных кавалераў і дам на фоне маляўнічай прыроды палёў або паркаў. Псіхалагічная тонкасць і трапяткая адухоўленасць яго партрэтных вобразаў здаюцца перапоўненымі жыцця. У кожнай мадэлі мастака прыцягвае перш за ўсё яе духоўная індывідуальнасць, а сацыяльная характарыстыка адыходзіць на другі план.

У экспазіцыі размешчаны рэпрадукцыі знакамітых работ Гейнсбара з фондаў Нацыянальнай бібліятэкі Беларусі. Партрэт пары Эндрус, што адпачывае пад дрэвам, па сваёй свежасці і шчырасці належыць да лепшых рэалістычных палотнаў англійскай школы. Пазней каларыт майстра становіцца ўсё больш вытанчаным, выкананне больш віртуозным. Адзін з самых знакамітых партрэтаў – “Хлопчык у блакітным”. Блакітны колер, будучы адным з самых любімых колераў палітры жывапісца, тут узбагачаецца найтанчэйшай ігрой разнастайных рэфлексаў.

Жывапісная тэхніка Гейнсбара своеасаблівая, яна здзіўляе сваёй свабодай і лёгкасцю. Смелая работа пэндзля то нагадвае графічны штрых, то кладзецца плямкамі рознакаляровых мазкоў, ствараючы пышную маляўнічую сімфонію. Адзін за адным майстар ствараў свае шэдэўры: “Дама ў блакітным”, “Ранішняя прагулка”, партрэт Сары Сіданс, партрэт герцагіні Дэваншырскай і многія іншыя, прадстаўленыя на выставе ў альбомах, паштоўках і рэпрадукцыях. На сваіх палотнах мастак улавіў не толькі знешняе аблічча, але і сам дух англійскай арыстакратыі.


Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял пададзены аддзелам абслугоўвання спецыялізаванымі фондамі.

Навіны

Відэаматэрыялы Х Міжнароднай навукова-практычнай канферэнцыі “Электронная культура”

5 Ліп 2022

Запрашаем пазнаёміцца з відэазапісам дакладаў Х Міжнароднай навукова-практычнай канферэнцыі “Электронная культура” па тэме “Лічбавыя калекцыі ў прасторы культуры”, якая адбылася 10 чэрвеня і была прысвечана 100-годдзю Нацыянальнай бібліятэкі Беларусі.

Навіны Нацыянальнай бібліятэкі Беларусі

Удзельнікі “Цягніка Памяці” наведалі Нацыянальную бібліятэку

4 Ліп 2022

3 ліпеня адну з галоўных славутасцей Мінска – Нацыянальную бібліятэку Беларусі – наведалі ўдзельнікі сумеснага расійска-беларускага праекта “Цягнік Памяці”.

Навіны Нацыянальнай бібліятэкі Беларусі

Выстава “Шэсць стагоддзяў гісторыі медыцыны і фармацыі ў рарытэтах Нацыянальнай бібліятэкі Беларусі” працягнута да канца ліпеня

1 Ліп 2022

Выстава “Шэсць стагоддзяў гісторыі медыцыны і фармацыі ў рарытэтах Нацыянальнай бібліятэкі Беларусі” выклікала вялікую цікавасць у наведвальнікаў музея кнігі. Яе наведала больш за 7 000 чалавек.

Навіны Нацыянальнай бібліятэкі Беларусі

У бібліятэцы адкрылася выстава да Дня Незалежнасці Рэспублікі Беларусь

30 Чэр 2022

30 чэрвеня ў кальцавым калідоры 2-га паверха Нацыянальнай бібліятэкі Беларусі адкрылася архіўная фотавыстава “2022 Год гістарычнай памяці”, прымеркаваная да святкавання Дня Незалежнасці Рэспублікі Беларусь.

Мастацкія выстаўкі

Адраджэнне Дзяржаўнай бібліятэкі імя У.І. Леніна: цікавыя факты і лічбы 1944–1945 гг. (па старонках базы даных “НББ у прэсе”)

3 Ліп 2022

Адразу пасля вызвалення Мінска ад нямецка-фашысцкіх акупантаў разгарнулася праца па аднаўленні бібліятэкі, пра што нам расказваюць газеты пасляваенных гадоў.

Да 100-годдзя Нацыянальнай бібліятэкі Беларусі

Бібліятэкарам