ГалоўнаяНавіныКніжныя выстаўкі
Гарады Беларусі на старых паштоўках
Прэзентацыя рукапіснага “Евангелля ад Марка”

Літургікон, або Служэбнік

Літургікон, або Служэбнік
Іншыя навіны

З 18 мая ў музеі кнігі (пам. 348) дзейнічае прымеркаваная да Міжнароднага дня музеяў “Выстаўка адной кнігі”, прысвечаная 325-годдзю заснавання Супрасльскай друкарні.


Адна з буйнейшых друкарняў Вялікага Княства Літоўскага ў Супраслі была арганізавана ў 1690-х гадах пры знакамітым Супрасльскім Дабравешчанскім манастыры (цяпер у Польшчы) Каралем Радзівілам і мітрапалітам Цыпрыянам Жахоўскім. Дзейнічала да 1803 года. Мела манапольнае права на выпуск у Вялікім Княстве Літоўскім літургічнай уніяцкай літаратуры. Друкарня была добра абсталявана, выкарыстоўвала разнастайныя шрыфты, фігурныя ксілаграфіі, гравюры на медзі. Супрасльскія выданні адрозніваюцца своеасаблівым мастацкім аздабленнем, адметнымі рысамі якога з’яўляюцца выразная дэкаратыўнасць, святочнасць, багацце дэкору.

За 100 гадоў існавання тут выдадзена каля 500 назваў кніг на царкоўнаславянскай, старабеларускай, рускай, польскай, лацінскай і літоўскай мовах, у тым ліку буквары і азбукі славянскай мовы, “Собрание припадков краткое и духовным особам потребное” (1722) на старабеларускай мове, першы славяна-польскі друкаваны “Лексікон” (1722), першы кірылічны помнік нотадрукавання (1697). У XVIIІ ст. выпускала таксама стараверскія выданні.

Першай кнігай друкарні стаў “Літургікон, або Служэбнік” (1692–1695), які пачаў друкавацца ў Вільні, але канчаткова быў выдадзены ў Супраслі. Над яго афармленнем працаваў вядомы беларускі гравёр Лявонцій Тарасевіч, які ўпершыню ў гісторыі беларускага кірылічнага кнігадрукавання выкарыстаў медзярыт. Кнігу ўпрыгожваюць застаўкі, канцоўкі, гравіраваны тытульны аркуш і выява Караля Станіслава Радзівіла. “Літургікон, або Служэбнік” неаднаразова перавыдаваўся.

Кантактны тэлефон: (8 017) 293 25 85.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Каб не стаць ныздарамі

16 Лют 2019

А я кажу вам, шо кaжон, хто гнiвайіцьця на свогo брaта напрaсно, той мaе йты пуд суд. А хто скaжэ на брaта свого “ныздaра”, тогo мaе суды'ты высoкый суд, а як хто скaжэ“бызрозyмный” – то мaе попaсты в огoнь пыкэ'лный. Гэта радкі з Евангелля, якое пераклаў на заходнепалескую гаворку навуковец і дыялектолаг Фёдар Клімчук, які пакінуў нас у мінулы кастрычнік. Зусім трохі не дажыўшы да прэзентацыі выдання, якая з аншлагам прайшла ў Мінску 23 студзеня.

Навіны бібліятэк

Родная мова – душа народа

15 Лют 2019

З 15 лютага па 17 сакавіка ў зале дакументаў міжнародных арганізацый (пам. 207g) адкрыта тэматычная выстаўка  “Родная мова – душа народа”, прысвечаная Міжнароднаму дню роднай мовы.

Кніжныя выстаўкі

Транспарт пад дзяржзамову

18 Лют 2019

Артыкул бібліятэкара з Навагрудка Фаіны Малюжэнец друкуецца ў газете “Культура” пад рубрыкай “Соцыум” невыпадкова. Піша яна, на жаль, не так часта, як нам хацелася б, але яе артыкулы заўжды вызначаюцца высокім напалам неабыякавасці да вырашэння прафесійных праблем. А праблемы – характэрныя ці не для кожнай раённай цэнтралізаванай бібліятэчнай сістэмы…

Навіны бібліятэк

“Сумуем па сваіх Пенелопах”: беларускія класікі – каханым

14 Лют 2019

Пра што Максім Танк пісаў жонцы са штаб-кватэры ААН? Як Францішка Уршуля Радзівіл называла мужа? Хто быў галоўным чытачом Якуба Коласа? У Дзень усіх закаханых прапануем пазнаёміцца з лістамі вядомых беларускіх пісьменнікаў.

Навіны Нацыянальнай бібліятэкі Беларусі

Падведзены вынікі рэспубліканскага конкурсу «Мастацтва кнігі»

14 Лют 2019

У апошнія дні работы ХХVІ Мінскай міжнароднай кніжнай выстаўкі былі падведзены вынікі рэспубліканскага конкурсу «Мастацтва кнігі». За галоўныя ўзнагароды ў 14 намінацыях пазмагаліся 158 выданняў ад 40 устаноў. У выніку галоўны прыз – у намінацыі «Трыумф» – атрымаў «Вялікі гістарычны атлас Беларусі», выпушчаны ў 4-х тамах «Белкартаграфіяй» Дзяржаўнага камітэта па маёмасці. І гэта нагода для гонару.

Навіны бібліятэк