ГалоўнаяНавіныКніжныя выстаўкі
Гравюра для дзяцей: творчыя заняткі
Магчымасць дакрануцца да казкі

Літаратурная бязмежнасць

Літаратурная бязмежнасць
Іншыя навіны

2 красавіка ў нашай краіне адзначаецца Дзень яднання народаў Беларусі і Расіі. Да гэтага дня ў Нацыянальнай бібліятэцы адкрылася выстаўка “Літаратурная бязмежнасць”.

У гісторыі развіцця культур Беларусі і Расіі значная роля належыць літаратурнаму перакладу, які ўмацоўвае і ўзаемна ўзбагачае культурныя сувязі паміж нашымі народамі. Акрамя таго, наяўнасць якасных перакладаў сведчыць пра тое, што нацыянальная літаратура і мова ўжо дасягнулі пэўнай ступені развіцця. Пераклад садзейнічае папулярызацыі літаратуры і культуры народа, павышае ўзровень самаўсведамлення людзей.

На выстаўцы “Літаратурная бязмежнасць” прадстаўлены перакладзеныя на рускую мову творы Францішка Багушэвіча, Вінцэнта Дуніна-Марцінкевіча, Янкі Купалы, Якуба Коласа, Максіма Багдановіча, Змітрака Бядулі, Кузьмы Чорнага, Цішкі Гартнага, Максіма Гарэцкага, Міхася Чарота, Уладзіміра Дубоўкі, Янкі Брыля, Міхася Лынькова, Уладзіміра Караткевіча, Івана Мележа, Васіля Быкава, Івана Шамякіна, Аркадзя Куляшова, Андрэя Макаёнка. Значная частка перакладаў была надрукавана яшчэ ў даваенныя часы, што сведчыць пра цікавасць да тагачаснай беларускай літаратуры з боку расійскага чытача.

Пераклады класікаў рускай літаратуры таксама прадстаўлены ў асноўным даваеннымі выданнямі. І гэта невыпадкова: маладая беларуская рэспубліка развівала ўласную культуру і будавала сваю сістэму адукацыі. Пераклады, зробленыя ў 20–30-я гг. ХХ ст., дазволілі беларусам пазнаёміцца з творамі Аляксандра Пушкіна, Аляксандра Грыбаедава, Міхаіла Лермантава, Мікалая Гогаля, Івана Ганчарова, Мікалая Някрасава, Фёдара Дастаеўскага, Аляксандра Астроўскага, Антона Чэхава, Івана Тургенева, Льва Талстога, Максіма Горкага, Уладзіміра Маякоўскага, Барыса Пастарнака, Ганны Ахматавай, Міхаіла Шолахава, Аляксея Талстога, Карнея Чукоўскага, Канстанціна Паўстоўскага, Аляксандра Фадзеева, Міхаіла Булгакава.

Назапашаны гістарычны вопыт беларуска-рускіх літаратурных узаемасувязей з’яўляецца вялікай каштоўнасцю. Тэма літаратурных перакладаў і дагэтуль застаецца актуальнай, паколькі садзейнічае ўмацаванню дружбы беларускага і рускага народаў.


Выстаўка размешчана на кальцавым калідоры 3-га паверха і працуе да 31 мая 2021 г.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 29 80.

Матэрыял пададзены галерэйна-выставачным аддзелам.

Навіны

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір” і “Цэнтральны” 6–9 мая.

Навіны бібліятэк

“Помнім боль і страты твае, Беларусь…” – экскурсія да Дня Перамогі

5 Май 2021

4 мая, напярэдадні Дня Перамогі, экскурсію з цыкла “Славутыя імёны Бацькаўшчыны”, прысвечаную творчасці перыяду Вялікай Айчыннай вайны А. Куляшова, М. Танка, П. Панчанкі, наведалі навучэнцы Мінскага дзяржаўнага прафесіянальна-тэхнічнага каледжа дэкаратыўна-прыкладнога мастацтва імя М.А. Кедышкі.

Навіны Нацыянальнай бібліятэкі Беларусі

Бібліятэкарам
111