ГалоўнаяНавіныКніжныя выстаўкі
Прысвячэнне Беларусі
III Міжнародныя кнігазнаўчыя чытанні

Лепшыя кнігі Беларусі – 2006

Лепшыя кнігі Беларусі – 2006
Іншыя навіны

Нацыянальная бібліятэка Беларусі прадстаўляе кніжна-ілюстрацыйную выстаўку “Лепшыя кнігі Беларусі” па выніках 46-га Рэспубліканскага конкурсу “Мастацтва кнігі”.


Мэта выстаўкі – прадставіць да ўвагі чытачоў, наведвальнікаў бібліятэкі лепшыя кнігі беларускіх дзяржаўных і недзяржаўных выдавецтваў за 2005 г.

Экспануюцца 327 кніг – прызёраў і намінантаў Рэспубліканскага конкурсу “Мастацтва кнігі – 2006”, які прайшоў у г. Мінску з 17 па 19 лютага 2006 г.

Макет, мастацкая структура кнігі, арганічная ўзаемасувязь ілюстрацыйнага рада і зместу адыгрываюць важную ролю ў мастацкай і паліграфічнай культуры кнігі і, у рэшце рэшт, павышэнні ўзроўню нацыянальнага кнігавыдавецтва – састаўной часткі матэрыяльнай культуры нашай краіны.

Чарговы рэспубліканскі конкурс “Мастацтва кнігі” праводзіўся ў нашай рэспубліцы ў 46 раз. Заснавальнікамі яго выступаюць Міністэрства інфармацыі і грамадскае аб’яднанне “Беларуская асацыяцыя кнігавыдаўцоў і кнігараспаўсюджвальнікаў”. На конкурс былі прадстаўлены выданні 2005 г. выпуску, сярод якіх адзначаны лепшыя па макетаванні, мастацка-тэхнічным афармленні і паліграфічным выкананні.

Гэта своеасаблівая творчая справаздача выдаўцоў, мастакоў, паліграфістаў, стварыўшых лепшыя ўзоры друкаванай прадукцыі за мінулы год.

Мэта гэтага конкурсу – павелічэнне долі канкурэнтаздольных кніг, прыцягненне новых таленавітых мастакоў да афармлення і ілюстравання выданняў, аб’яднанне творчых намаганняў майстроў графікі, кніжнага дызайну, выдаўцоў і паліграфістаў.

Вышэйшая ўзнагарода конкурсу – Дыплом імя Ф. Скарыны – прысуджаны юбілейнаму выданню “Победа” (“1418 дней ВОВ. Память со слезами на глазах”, выдавецтва “Мастацкая літаратура”, паліграфічнае выкананне – Мінская фабрыка каляровага друку (МФКД), мастакі У. Рагалевіч, А. Пятроў).

Лепшымі выданнямі года прызнаны:

  • “Вялікае княства Літоўскае” т. 1. (выдавецтва “Беларуская Энцыклапедыя імя П. Броўкі”, выкананне – МФКД, мастак Д. Герасімовіч);
  • Віктар Альшэўскі. “Уражанне раўнавагі, альбо Лесвіца ўверх” (выдавецтва “Мастацкая літаратура”, выканне – Паліграфкамбінат імя Я. Коласа, дызайн У. Альшэўскага і Д. Сіняўскага);
  • “Алмаз в действии” (выдавецтва “Міжнародны цэнтр інтэграцыйнай інфармацыі”, выканне – Паліграфкамбінат імя Я. Коласа, мастакі А. Пятроў, У. Рагалевіч).

Выданні – экспанаты выстаўцы прадстаўлены ў наступных раздзелах: дзяржаўныя выдавецтвы; выдавецтвы дзяржаўных структур; недзяржаўныя выдавецтвы; паліграфічныя прадпрыемствы; рэлігійныя выдавецтвы, – унутры раздзелаў – па пэўных выдавецтвах.

Усе кнігі, атрымаўшыя дыпломы і прызы конкурсу, адзначаны спецыяльнымі інфармацыйнымі этыкеткамі.

Кантактныя тэлефоны: (8 017) 293 28 86, 293 28 63.

Навіны

Выкладчыкі раяць: што чытаць, каб не забыць сваю англійскую, нямецкую і нават чэшскую мову

24 Ліс 2017

У сучасным свеце без ведання замежных моў не абысціся. Але колькі б намаганняў мы ні прыкладалі вывучаючы мовы, наша памяць з часам бязлітасна пазбаўляецца ад усяго слоўнікавага запасу, варта хоць на месяц перастаць практыкавацца. Дык што ж рабіць? Адказ: чытаць, вядома. Выкладчыкі моўнай школы LinguaLand склалі для вас выдатную падборку кніг, якія не толькі падтрымаюць ваш узровень ведаў, але і захопяць самой гісторыяй. Так што хапайце слоўнікі і свае чытацкія білеты: мы ідзём вучыцца!

Аўтарскі погляд

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы

24 Ліс 2020

Тамара Канстанцінаўна нарадзілася ў горадзе Мінску ў сям'і служачага. Калі пачалася Вялікая Айчынная вайна, бацька Тамары пайшоў на фронт, а маці з сям’ёй вымушана была эвакуіравацца на Урал. Як і многія жыхары Беларусі, дзяўчынка перажыла ўсе жахі вайны.

Партрэты: гісторыя бібліятэкі ў асобах

21 лістапада спаўняецца 115 гадоў з дня нараджэння Фёдара Уладзіміравіча Сцепанюка, дырэктара Нацыянальнай бібліятэкі Беларусі з 1961 па 1968 год

21 Ліс 2020

Нарадзіўся Фёдар Уладзіміравіч у 1905 г. у в. Чэрск Брэсцкага раёна Беларускай ССР. Падчас Першай сусветнай вайны ў 1915 г. ён з бацькамі пераехаў у с. Яфімаўка Бузулукскага павета Самарскай губерні. Там ужо з 11-гадовага ўзросту Фёдар на працягу 5 гадоў працаваў пастухом па найму.

Партрэты: гісторыя бібліятэкі ў асобах

111