З 2 ліпеня па 31 жніўня ў зале перыядычных выданняў (пам. 106) праходзіць тэматычная выстаўка “Красуй, Беларусь!”, прымеркаваная да Дня Незалежнасці Рэспублікі Беларусь.
Дзень Незалежнасці – галоўнае свята беларускай дзяржаўнасці. Яно было заснавана Дэкрэтам Прэзідэнта Рэспублікі Беларусь ад 11 снежня 1996 года за № 1 “Аб устанаўленні дзяржаўнага свята – Дня Незалежнасці Рэспублікі Беларусь” і стала знакам нацыянальнага адраджэння дзяржавы. Урачыстасць арганізуецца 3 ліпеня – у дзень вызвалення Мінска ад нямецка-фашысцкіх захопнікаў у 1944 годзе.
Непаўторнаму подзвігу савецкіх салдат у гады Вялікай Айчыннай вайны прысвечаны матэрыялы першага раздзела выстаўкі, прадстаўленыя публікацыямі з перыядычных выданняў: газет “Рэспубліка”, “Советская Белоруссия”, “Белорусская военная газета”, часопісаў “Армия”, “Беларуская думка”, “Идеологические аспекты военной безопасности” і інш.
У дакументах, якія працягваюць экспазіцыю, расказваецца, што за мінулыя дзесяцігоддзі адроджаная мірнай стваральнай працай народа незалежная Беларусь заняла годнае месца ў сусветнай супольнасці. Ідзе інтэнсіўны эканамічны дыялог, пашыраюцца грамадзянскія і дыпламатычныя адносіны, павышаецца культурны ўзаемаабмен паміж краінамі. Нашчадкі пераможцаў прадаўжаюць традыцыі старэйшых пакаленняў па захаванні і павелічэнні іх заваяванняў, гарантаванні міру і бяспекі, умацаванні суверэнітэту беларускай дзяржавы.
Усяго экспазіцыя налічвае каля 40 перыядычных выданняў.
Кантактны тэлефон: (+375-17) 293-25-87.