З 24 красавіка 2008 года ў рамках правядзення ў Нацыянальнай бібліятэцы Беларусі I Мінскай міжнароднай выстаўкі графікі "Art-лінія" экспануецца тэматычная кніжная выстаўка з аднайменнай назвай.
У экспазіцыі прадстаўлена каля 150 дакументаў:
- кнігі па гісторыі развіцця графічнага мастацтва розных краін(Беларусі, Расіі, Літвы, Польшчы, Эстоніі, Германіі і інш.), а таксама яго асноўных відаў: плаката, гравюры, кніжнай ілюстрацыі;
- альбомы лепшых графікаў сусветнага мастацтва (Бердслі, Хакусая, А.Тулуз-Латрэка, Ж.-А.-Д.Энгра, М.Эшара і іншых майстроў);
- штогоднікі па графічным дызайне;
- сучасныя альбомы Дзяржаўнай кніжнай палаты і Расійскай дзяржаўнай бібліятэкі "Москва издательская в плакате", "Русский рекламный плакат" і інш., дзе найбольш поўна прадстаўлена тэматычная калекцыя рускага і сучаснага плаката са збору Расійскай кніжнай палаты і адлюстравана шматбаковая выдавецкая дзейнасць Масквы з канца ХIХ да канца ХХ ст.;
- навучальныя дапаможнікі па асновах графікі.
Экспазіцыя размешчана ў кальцавым калідоры 2-га паверха.
Кантактны тэлефон 293-28-86.