З 13 красавіка па 10 мая ў зале дакументаў міжнародных арганізацый Нацыянальнай бібліятэкі (2-гі паверх, пам. 207g) адкрыта кніжная выстаўка “Кніжная культура і аўтарскае права: праблемы і рашэнні”.
Выстаўка прысвечана Сусветнаму дню кнігі і аўтарскага права.
Гэты дзень адзначаецца штогод 23 красавіка, пачынаючы з 1996 года. Ён быў абвешчаны на 28-й сесіі ЮНЕСКА 15 лістапада 1995 года (Рэзалюцыя 28 C/3.18).
Пачаўшыся са сціплых мерапрыемстваў, Сусветны дзень кнігі і аўтарскага права паступова ператварыўся ў важную дату для прафесіяналаў у дадзенай галіне і многіх людзей, якія працуюць у сферы культуры і адукацыі. Яго правядзенне спрыяе распаўсюджванню ведаў, падтрымцы культурнай разнастайнасці, ахове твораў інтэлектуальнай працы і абароне правоў іх стваральнікаў. У гэтым годзе ён адзначаецца ў 14-ы раз і павінен прыцягнуць увагу грамадскасці да значэння кнігі ў сучасным свеце, а таксама да неабходнасці выканання палажэнняў міжнародных актаў у галіне аўтарскага права.
У Рэспубліцы Беларусь Сусветны дзень кнігі і аўтарскага права заўсёды адзначаецца вельмі шырока. Выдавецтвы, бібліятэкі, школы, культурныя цэнтры і аб’яднанні аўтараў аранізуюць кніжныя выстаўкі, семінары, канферэнцыі, творчыя вечарыны і іншыя ўрачыстыя мерапрыемствы, прысвечаныя гэтаму Дню. Галоўнае патрабаванне да ўсіх мерапрыемстваў – праслаўляць кнігу, таму што кніга – гэта лепшы памочнік ў нашых агульных намаганнях па абароне і ўзбагачэнні культурнай спадчыны чалавецтва. Дзякуючы кнізе мы атрымліваем доступ да ведаў, ідэй, духоўных і маральных каштоўнасцяў, да разумення прыгажосці і творчых дасягненняў чалавецтва. Носьбіт інфармацыі, аснова адукацыі і творчасці, кніга дае магчымасць кожнай культуры расказаць пра сябе, знаёміць са звычаямі і традыцыямі розных народаў. Кніга – гэта акно ў свет культурнай разнастайнасці, гэта мост, што злучае розныя цывілізацыі ў часе і прасторы.
Развіццё кніжнай справы неаддзельнае ад аўтарскага права, без якога кніга не можа заняць свайго законнага месца. Аўтарскае права – маральная і маёмасная абарона твораў інтэлектуальнай працы і іх стваральнікаў, якая забяспечвае юрыдычную аснову стварэння спрыяльных умоў для развіцця кніжнай справы.
На выстаўцы прадстаўлена больш за 80 публікацый ААН, ЮНЕСКА, Савета Еўропы і Еўрапейскага Саюза з фондаў Нацыянальнай бібліятэкі Беларусі на рускай, англійскай, французскай, нямецкай мовах: кнігі, перыядычныя выданні, брашуры, буклеты, мімеаграфаваныя матэрыялы ААН і ЮНЕСКА.
Выстаўка ўключае наступныя тэматычныя раздзелы:
- кніга і яе роля ў сучасным грамадстве;
- кніжная культура, культурная палітыка ў свеце;
- аўтарскае права, дзейнасць Сусветнай арганізацыі інтэлектуальнай ўласнасці (САІУ);
- міжнародныя канвенцыі, дагаворы і пагадненні ў галіне кнігавыдання, кнігаразмеркавання і аўтарскага права;
- абарона аўтарскага права, кніжная і выдавецкая справа ў Рэспубліцы Беларусь.
Выстаўка будзе цікавая для журналістаў, выдаўцоў, аўтараў, работнікаў кніжнай сферы, а таксама для юрыстаў, прадпрымальнікаў і ўсіх, хто цікавіцца праблемамі абароны аўтарскага і сумежных правоў.
Спасылкі на сайты сістэмы ААН:
ЮНЕСКА
- Сусветны дзень кнігі і аўтарскага права
- Кнігі і чытанне
- Аўтарскае права
- Сусветная канвенцыя аб аўтарскім праве
- Тэкст Сусветнай канвенцыі аб аўтарскім праве (з праўкамі ад 24 ліпеня 1971 года)
- Захаванне фальклору
- Дзесяцігоддзе пісьменнасці ААН: адукацыя для ўсіх (2003–2012 гады)
- Аўтарскае права і сумежныя правы
- Электронная бібліятэка па аўтарскім праве
- Электронная бібліятэка па інтэлектуальнай уласнасці
- Information Meeting on Educational Content and Copyright in the Digital Age
- Дагавор САІУ па аўтарскім праве
- Patentscope Database
ААН
Дадатковая інфармацыя
Copyright Research and Information Center (Japan)
European Bureau of Library, Information and Documentation Associations
International Board on Books for Young People
International Federation of Library Associations and Institutions
International Publishers Association