З 31 ліпеня па 30 верасня 2009 года ў зале беларускай літаратуры (пам. 205) праходзіць тэматычная кніжная выстаўка "Кнігі беларускага замежжа (выданні 1990–2009 гг.)".
Беларускае замежжа – гэта маладаследаваная і цікавая частка нашай агульнай гісторыі і літаратуры. Сёння беларусы па розных прычынах жывуць і працуюць у Аўстраліі, Англіі, Аргенціне, Германіі, ЗША, Канадзе, Польшчы, Расіі, Францыі і іншых краінах свету.
Экспазіцыя, у якой больш за 500 дакументаў, выдадзеных за апошнія дваццаць гадоў, прадастаўляе магчымасць лепш зразумець розныя бакі жыцця беларусаў за мяжой, пазнаёміцца з кнігавыдавецкай дзейнасцю беларускай эміграцыі, а таксама з публікацыямі, прысвечанымі яе прадстаўнікам.
Кантактны тэлефон: 293-27-16.