ГалоўнаяНавіныКніжныя выстаўкі
Унікальная магчымасць публікацыі ў часопісах адкрытага доступу для аўтараў навуковых прац з Беларусі
Заняткі ў межах конкурсу “Малады беларускі экслібрыс”

Кніга і аўтарскае права ў сучасным свеце

Кніга і аўтарскае права ў сучасным свеце
Іншыя навіны

З 20 красавіка па 23 мая ў зале дакументаў міжнародных арганізацый (пам. 207g) адкрыта тэматычная выстава “Кніга і аўтарскае права ў сучасным свеце”, прысвечаная Сусветнаму дню кніг і аўтарскага права.

Гэты Дзень быў абвешчаны на 28-й сесіі ЮНЕСКА 15 лістапада 1995 года (рэзалюцыя 28 C/3.18) і штогод адзначаецца 23 красавіка пачынаючы з 1996 года.

Сёлета Сусветны дзень кнігі і аўтарскага права адзначаецца ўжо ў 25-ты раз. За гэты час свята зрабіла сябрамі кнігі вялікую колькасць людзей, якія належаць да розных культур на ўсіх кантынентах.

Мэтай святкавання Сусветнага дня кнігі і аўтарскага права стала прыцягненне ўвагі як урадавых органаў, так і шырокай публікі да кніг як да крыніц атрымання ведаў, сродкаў выказвання і камунікацыі, якія застаюцца асновай актыўнай адукацыі і крытычнага мыслення, нягледзячы на хуткае развіццё больш складаных крыніц інфармацыі. Таксама гэты Дзень падкрэслівае асаблівае значэнне кніг і аўтарскага права ў развіцці культуры свету, талерантнасці і міжкультурнага дыялогу. Дзякуючы перш за ўсё кнізе людзі атрымліваюць доступ да ведаў, ідэй, духоўных і маральных каштоўнасцей, да разумення прыгажосці і творчых дасягненняў чалавека. Носьбіт інфармацыі, аснова адукацыі і творчасці, кніга дае магчымасць кожнай культуры расказаць пра сябе, знаёміць са звычаямі і традыцыямі розных народаў. Кніга – гэта акно ў свет культурнай разнастайнасці, мост, які злучае розныя цывілізацыі ў часе і прасторы.

У гэты Дзень канцэнтруецца ўвага грамадскасці на самых розных аспектах дзейнасці чалавека, звязаных з кнігай, – творчых, выдавецкіх, нарматыўных, палітычных. Колькасць прымеркаваных да гэтага свята мерапрыемстваў і ініцыятыў расце, пашыраецца іх геаграфія правядзення. Сярод самых папулярных у многіх краінах свету – гэта кніжныя кірмашы і выставы, публічныя чытанні твораў сусветных класікаў літаратуры і розныя культурна-забаўляльныя мерапрыемствы.

Яшчэ адна цікавая традыцыя, звязаная з гэтым святам. Пачынаючы з 2001-га штогод 23 красавіка аднаму з гарадоў свету роўна на адзін год прысвойваецца ганаровае званне Сусветнай сталіцы кнігі. Прысваенне гэтага звання сведчыць пра жаданне гарадоў садзейнічаць развіццю кнігавыдавецкай справы і чытання, а таксама супрацоўніцтва паміж асноўнымі партнёрамі ў кнігавыдавецкай справе. Горад, названы Сусветнай сталіцай кнігі, павінен садзейнічаць папулярызацыі кніг і чытання і рэалізоўваць праграму адпаведных мерапрыемстваў на працягу аднаго года. Сёлета гэтага звання ўдастоены Тбілісі, які стаў 21-й па ліку Сусветнай сталіцай кнігі. Праграма свята пройдзе пад слоганам “Такім чынам, ваша наступная кніга...?” (Ok. Soyournextbookis…?) і будзе сфакусіравана на выкарыстанні сучасных тэхналогій у якасці інструментаў папулярызацыі чытання сярод моладзі, а таксама сярод чытачоў, якія маюць абмежаваны доступ да кніг.

Развіццё кніжнай справы неаддзельна ад аўтарскага права, без якога кнізе не здабыць свайго законнага месца. Аўтарскае права – маральная і маёмасная ахова твораў інтэлектуальнай працы і іх творцаў – забяспечвае юрыдычныя рамкі, якія садзейнічаюць паляпшэнню ўмоў для развіцця кніжнай справы і аховы інтэлектуальных твораў і іх стваральнікаў.

На выставе прадстаўлена больш за 100 дакументаў: кнігі, брашуры, перыядычныя выданні, буклеты на рускай, беларускай, англійскай і нямецкай мовах.

Экспазіцыя ўключае наступныя тэматычныя раздзелы:

  • Кніга і яе роля ў грамадстве
  • Кніжная культура
  • Аўтарскае права
  • Міжнародныя канвенцыі, дагаворы і пагадненні ў галіне аўтарскага права і кнігавыдання
  • Ахова аўтарскага права, кніжная і выдавецкая справа ў Рэспубліцы Беларусь

Выстава будзе цікавая журналістам, выдаўцам, бібліятэкарам, аўтарам, работнікам кніжнай сферы, а таксама юрыстам, прадпрымальнікам і ўсім, хто цікавіцца выдавецкай справай, абаронай і праблемамі аўтарскага права.

Карысныя спасылкі


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 34.

Матэрыял пададзены аддзелам абслугоўвання афіцыйнымі дакументамі.

Навіны

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір” і “Цэнтральны” 6–9 мая.

Навіны бібліятэк

Бібліятэкарам
111