ГалоўнаяНавіныКніжныя выстаўкі
Хачу быць Я
Гісторыя Беларусі (выданні 2006 – 2009 гг.)

Класік рамантызму

Іншыя навіны

З 30 студзеня па 19 сакавіка 2009 года ў зале нотных і аўдыёдакументаў (пам. 305) праходзіць кніжная выстаўка “Класік рамантызму”, прысвечаная 200-годдзю з дня нараджэння нямецкага кампазітара Фелікса Мендэльсона-Бартольдзі.


Фелікс Мендэльсон – знакаміты кампазітар, піяніст, дырыжор, заснавальнік першай нямецкай кансерваторыі. Большасці з нас ён вядомы як аўтар “Вясельнага марша”. Але, акрамя гэтай эфектнай музыкі, Ф. Мендэльсон напісаў мноства твораў розных жанраў. Сярод аркестравых сачыненняў вылучаюцца праграмныя уверцюры “Сон у летнюю ноч” (фрагментам якой і з’яўляецца “Вясельны марш”), “Марская ціш і шчаслівае плаванне”, “Фінгалава пячора”, “Казка пра чароўную Мілузіну”, "Руі Блаз”. З 5 сімфоній Ф. Мендэльсона найбольш значныя “Італьянская” і “Шатландская”. Шырокую вядомасць набыў Канцэрт мі-мінор для скрыпкі з аркестрам.

На выстаўцы прадстаўлены кнігі і артыкулы з перыядычных выданняў пра творчасць Фелікса Мендэльсона, ноты і аўдыёдакументы твораў кампазітара.

Навіны

Зала дакументаў па мастацтве прапануе:  рубрыка “Асобы. Даты. Падзеі”

18 Кра 2024

Для наведвальнікаў залы мастацтваў (пам. 306) у межах пастаяннай рубрыкі “Асобы. Даты. Падзеі” падрыхтавана новая кніжная экспазіцыя “У казачным кругазвароце Валянціны Шобы”, прымеркаваная да 60-годдзя гродзенскай мастачкі.

Навіны Нацыянальнай бібліятэкі Беларусі

У бібліятэцы адбыўся семінар "Імёны Герояў бессмяротныя"

17 Кра 2024

16 красавіка ў дзень 90-годдзя з дня заснавання звання "Герой Савецкага Саюза" ў Нацыянальнай бібліятэцы Беларусі адбыўся семінар "Імёны Герояў бессмяротныя", прысвечаны 80-годдзю вызвалення Беларусі ад нямецка-фашысцкіх захопнікаў у Вялікай Айчыннай вайне.

Навіны Нацыянальнай бібліятэкі Беларусі

Патрыятычны дэсант мінскіх школ у Нацыянальнай бібліятэцы Беларусі

15 Кра 2024

11 красавіка для навучэнцаў 6-х і 10–11-х класаў сярэдніх школ №№ 24, 53, 62 г. Мінска прайшлі бібліяграфічныя ўрокі “Даведачная літаратура пра Герояў Вялікай Айчыннай вайны” (6 кл.), “Воіны-інтэрнацыяналісты ў вызваленні Беларусі ад нямецка-фашысцкіх захопнікаў” (10 кл.), “Брэсцкая крэпасць-герой” (11 кл.) з цыкла заняткаў “Пастараемся ж і мы быць годнымі іх Вялікай Перамогі”, які рэалізуецца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі г. Мінска.

Навіны Нацыянальнай бібліятэкі Беларусі

Прапануем новую віртуальную кніжную выставу “Інтэлектуальная ўласнасць: XXI стагоддзе”

17 Кра 2024

Віртуальны цэнтр па дзейнасці міжнародных арганізацый прапануе віртуальную кніжную выстаўку “Інтэлектуальная ўласнасць: XXI стагоддзе”, прысвечаную Міжнароднаму дню інтэлектуальнай уласнасці.

Віртуальныя выстаўкі

Бібліятэкарам