З 4 мая па 27 чэрвеня ў зале перыядычных выданняў (пам. 106) праходзіць тэматычная выстава “Калі хабар не ў радасць: аб праблеме карупцыі”.
Злоўжыванне уладай для атрымання выгады ў асабістых мэтах суправаджае чалавецтва з даўніх часоў. У гісторыі нямала прыкладаў барацьбы з гэтым злом, але яно не знішчана да гэтага часу. У XXI стагоддзі карупцыя застаецца ў ліку актуальных праблем, уласцівых усім без выключэння краінам. На думку экспертаў, ліквідаваць яе нельга, але мінімізаваць рызыкі можна.
На сучасным этапе грамадзянская супольнасць актыўна ўключана ў працэсы дзяржаўнага кіравання і прыняцця рашэнняў у барацьбе з карупцыяй. Артыкулы з часопісаў “Законность”, “Журнал БГУ. Право”, “Уголовное право” і іншых адлюстроўваюць падобны вопыт Беларусі, Расіі і замежных краін.
На старонках часопісаў “Трудовое и социальное право”, “Новая экономика”, “Российская юстиция” звяртаюцца да тэмы адказнасці за карупцыйныя парушэнні.
Злачынствы супраць інтарэсаў службы, хабарніцтва, асабістая зацікаўленасць, выкарыстанне службовага становішча – гэтыя і іншыя праблемы карупцыйнага характару знайшлі адлюстраванне ў выданнях “Главный экономист”, “Юстиция Беларуси”, “Проблемы управления”, “Минский курьер” і інш.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 25 87.
Матэрыял пададзены аддзелам абслугоўвання спецыялізаванымі фондамі.
