З 20 чэрвеня 2008 года ў зале выяўленчых і відэадакументаў праходзіць выстаўка «Імгненні, спыненыя майстрам», прысвечаная 80-годдзю з дня нараджэння Гаўрылы Вашчанкі, народнага мастака Рэспублікі Беларусь, педагога, прафесара, заснавальніка кафедры манументальнага мастацтва.
Значную частку творчасці Гаўрылы Вашчанкі складаюць жывапісныя палотны, майстар таксама шмат працаваў у жанры манументальнага мастацтва, дзе атрымаў усеагульнае прызнанне. Яго творы адрозніваюцца светлай лірычнасцю, філасофскай інтанацыяй, тонкім каларыстычным і кампазіцыйным майстэрствам.
За шматгадовую творчую дзейнасць мастак стварыў творы, якія заўсёды будуць мець эстэтычную каштоўнасць для беларускага народа.
На выстаўцы прадстаўлены альбомы, кнігі, артыкулы, паштоўкі і рэпрадукцыі работ вядомага мастака.
Экспазіцыя разлічана на ўсе катэгорыі чытачоў, якія цікавяцца сучасным беларускім мастацтвам і творчасцю Гаўрылы Харытонавіча Вашчанкі.
Выстаўка працуе з 20 чэрвеня па 20 ліпеня на 3-м паверсе ў зале выяўленчых і відэадакументаў (пам. 307).
Кантактны тэлефон: 293-27-58.
 |
 |
 |
 |
 |
 |
