ГалоўнаяНавіныКніжныя выстаўкі
Прэзентацыя кнігі беларускага пісьменніка на Украіне
Будучыня планеты без галечы і дыскрымінацыі

“І радасць, і турботы, і святло…”

“І радасць, і турботы, і святло…”
Іншыя навіны

З 15 кастрычніка па 27 снежня ў зале беларускай літаратуры (пам. 205) праходзіць кніжная выстаўка “І радасць, і турботы, і святло…”, прысвечаная 110-годдзю з дня нараджэння беларускага пісьменніка Максіма Лужаніна (1909–2001).

Максім Лужанін (Аляксандр Амвросьевіч Каратай) – патрыярх беларускай літаратуры, пісьменнік шматграннага таленту. Творчая спадчына яго надзвычай багатая: вершы і паэмы, аповесці і апавяданні, крытычныя артыкулы і творы для дзяцей, успаміны, нататкі пра мову, кінасцэнарыіі і пераклады. Сам жа аўтар, хоць і спрабаваў пяро ў розных жанрах, заўсёды заставаўся адданым паэзіі. Асаблівасць паэзіі М. Лужаніна заключаецца ва ўменні раскрыць сутнасць складаных з’яў, за лёсам аднаго чалавека бачыць лёс цэлага пакалення і гісторыю краіны.

Першы раздзел выстаўкі “Сакрэт жыццёвай мудрасці” знаёміць наведвальнікаў са зборамі твораў і кнігамі выбраных твораў пісьменніка, са шматлікімі зборнікамі паэзіі Максіма Лужаніна, сярод якіх “Галасуе вясна за вясну”, “Шырокае поле вайны”, “Поступ”, “Моваю сэрца”, “Прасторы”, “Росы на коласе”, “Лявоніха”, “Галасы пад выраем”, “Паразмаўляй са мной, зямля”, а таксама паэмай-казкай “Хто робіць пагоду”, зборнікам гумару “Сілівон на дачы”, аповесцю “Наўздагон за падвойнікам”, кнігай апавяданняў і абразкоў “Людзі, птушкі, прастор”, крытычнымі зборнікамі “Вачыма часу”, “З ранку да вечара” і інш. Асабліва вылучаецца кніга “Колас расказвае пра сябе”. У ёй пісьменнік глыбока, цікава паведаў нашчадкам пра шматлікія незабыўныя сустрэчы з народным песняром Беларусі, пра тое як жыў, працаваў, пісаў свае творы Якуб Колас.

“Дужасць крылаў яго” – раздзел выстаўкі прысвечаны перакладчыцкай дзейнасці Максіма Лужаніна. Дзякуючы яму па-беларуску загучалі паасобныя вершы А. Пушкіна, У. Маякоўскага, А. Міцкевіча, камедыя А. Грыбаедава “Гора ад розуму”, аповесці М. Гогаля “Вечары на хутары ля Дзіканькі”, раман “Маладая гвардыя” А. Фадзеева і інш. Асобна ў экспазіцыі прадстаўлены творы М. Лужаніна ў перакладах.

Раздзел “Лёс паэта – лёс народа” знаёміць з публікацыямі, змешчанымі ў энцыклапедычных выданнях, артыкуламі літаратурных крытыкаў М. Арочкі, Р. Бярозкіна, У. Гніламёдава, М. Лазарука і іншых даследчыкаў пра жыццё і творчасць Максіма Лужаніна.

Усяго экспазіцыя налічвае каля 220 дакументаў.


Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.

Навіны

Удзельнікам анлайн-конкурсу чытальнікаў “О, Беларусь, мая шыпшына”

27 Кас 2020

З 1 кастрычніка ў межах віртуальнага праекта “На хвалі часу, у плыні жыцця” быў распачаты анлайн-конкурс чытальнікаў, прымеркаваны да 120-годдзя Уладзіміра Дубоўкі. Арганізатарам выступіла Нацыянальная бібліятэка Беларусі сумесна з інфармацыйнымі партнёрамі – часопісамі “Маладосць” і “Бярозка”.

Навіны Нацыянальнай бібліятэкі Беларусі

Размова з адвакатам аб куплі-продажы нерухомасці

26 Кас 2020

23 кастрычніка Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Купля-продаж нерухомасці: як зрабіць правільна”.

Навіны Нацыянальнай бібліятэкі Беларусі

26 Кас 2020

“На хвалі часу, у плыні жыцця” – праект Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва, часопіса “Маладосць”.

Навіны бібліятэк

Скарыназнаўства ў Францыі

23 Кас 2020

23 кастрычніка адбыўся рэальна-віртуальны навуковы круглы стол, прысвечаны кнігазнаўчым даследаванням ў Францыі. Вядучым экспертам мерапрыемства выступіла Вольга Шутава, кіраўнік Лабараторыі скарыназнаўства і валарызацыі даследаванняў гісторыі культуры Беларусі (Парыж, Францыя), кандыдат гістарычных навук.

Навіны Нацыянальнай бібліятэкі Беларусі

Запіс на першы курс “Клуба кніжных прафесараў”

23 Кас 2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Навіны Нацыянальнай бібліятэкі Беларусі

111