З 20 сакавіка па 19 красавіка 2009 года ў зале нотных і аўдыёдакументаў (пам. 305) праходзіць юбілейная выстаўка “Гукі, якія нясуць святло”, прысвечаная 80-годдзю з дня нараджэння рускага кампазітара і педагога Эдзісона Васільевіча Дзянісава (1929–1996).
Э.В. Дзянісаў – кампазітар, імя якога стаіць у шэрагу найбуйнейшых рускіх кампазітараў ХХ стагоддзя. Ён быў сярод тых, хто адкрыў новую старонку ў гісторыі рускай музыкі. Яго мастацтва – адна з важных вех музычнай культуры.
Творчасць Э.В. Дзянісава адухоўлена ідэяй прыгажосці. Па словах кампазітара, музыка без прыгажосці думкі, без логікі немагчымая. Лірызм музыкі Э.В. Дзянісава афарбаваны ўзвышанай сузіральнасцю. Галоўны стрыжань такой лірыкі – вобраз абсалютнай ачышчанасці і лагоднасці. Кампазітар імкнуўся ўвасобіць у музыцы станоўчыя ідэалы, духоўныя асновы, святло і прыгажосць. У сачыненнях Э.В. Дзянісава, кампазітара з ярка выяўленым індывідуальным стылем, выкарыстоўваюцца разнастайныя сучасныя тэхнікі кампазіцыі.
На выстаўцы шырока прадстаўлены яго творы. Сярод іх балет “Споведзь”, вакальна-інструментальныя творы, канцэрт для скрыпкі з аркестрам, ода для кларнета, саната для флейты і гітары і шэраг іншых сачыненняў.
Экспазіцыю склалі нотныя выданні, аўдыёдакументы, а таксама кнігі і артыкулы пра творчасць Э.В. Дзянісава з фондаў Нацыянальнай бібліятэкі Беларусі.
Кантактны тэлефон: 293-27-52.
