ГалоўнаяНавіныКніжныя выстаўкі
І зноў у шлях!
Візіт парламенцкай дэлегацыі Індыі

Грамадства без наркотыкаў – наш выбар

Грамадства без наркотыкаў – наш выбар
Іншыя навіны

З 14 чэрвеня па 6 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Грамадства без наркотыкаў – наш выбар!”, прысвечаная Міжнароднаму дню барацьбы са злоўжываннем наркатычнымі сродкамі і іх незаконным абаротам.

Гэты Дзень быў абвешчаны Генеральнай асамблеяй ААН 7 снежня 1987 года (рэзалюцыя 42/112) і штогод адзначаецца 26 чэрвеня.

Наркаманія на сённяшні дзень – адна з галоўных праблем усёй сусветнай супольнасці. Злоўжыванне наркотыкамі наносіць вялікую шкоду здароўю насельніцтва і грамадскай бяспецы, ставіць пад пагрозу мірнае развіццё і стабільнае існаванне грамадства. Незаконны гандаль наркотыкамі падмацоўвае дзейнасць сетак транснацыянальнай арганізаванай злачыннасці, сістэмную карупцыю і шырокамаштабнае насілле.

Па дадзеных Сусветнага дакладу пра наркотыкі (2016), колькасць спажыўцоў наркотыкаў у свеце складае ад 3,3 да 6,5 працэнта ад усяго насельніцтва Зямлі. Гэтыя лічбы адносяцца да людзей ад 15 да 64 гадоў, якія хоць бы раз у год ужывалі наркотыкі. Спажыванне наркотыкаў знаходзіцца на шостым месцы ў спісе самых распаўсюджаных прычын смерці асоб 15–49 гадоў. Штогод ад наркотыкаў гіне больш за 211 тысяч чалавек.

Наступствы нарказалежнасці для дэмаграфічных паказчыкаў становяцца ўсё больш пагрозлівымі з кожным днём. Павялічваецца доля непаўналетніх і падлеткаў сярод спажыўцоў наркотыкаў, расце колькасць жанчын, схільных да гэтай страшнай бяды.

Прызнаючы, што, нягледзячы на працяглую актывізацыю намаганняў міжнароднай супольнасці, глабальная праблема наркотыкаў па-ранейшаму ўяўляе сур’ёзную пагрозу, ААН вядзе актыўную работу, накіраваную на ўзмацненне міжнароднага кантролю над наркотыкамі. З гэтай мэтай створана Камісія па наркатычных сродках, якая служыць галоўным міжурадавым органам па выпрацоўцы палітыкі і каардынуючым органам па міжнародным кантролі над наркотыкамі.

У 1997 годзе было створана Упраўленне ААН па наркотыках і злачыннасці – вядучая ўстанова ў барацьбе з незаконным абаротам наркотыкаў і арганізаванай злачыннасцю.

З 19 па 26 красавіка 2016 года Генеральная асамблея ААН правяла спецыяльную сесію па праблеме наркотыкаў у свеце. На гэтай сесіі міжнародная супольнасць распачала шматпланавае калектыўнае рэагаванне па ўсім спектры пытанняў, якія тычацца злоўжывання наркотыкамі і іх незаконнага абароту. Па выніках сесіі быў прыняты дырэктыўны дакумент “Палітычная дэкларацыя і План дзеянняў па наладжванні міжнароднага супрацоўніцтва ў мэтах выпрацоўкі комплекснай і збалансаванай стратэгіі барацьбы з сусветнай праблемай наркотыкаў”. Гэтая дэкларацыя вызначыла меры, якія неабходна ажыццявіць дзяржавам-членам, і мэты, якія неабходна дасягнуць да 2019 года.

Распаўсюджванне наркаманіі ў Беларусі, як і ў іншых краінах, уяўляе глабальную пагрозу здароўю насельніцтва, эканоміцы краіны, правапарадку і бяспекі дзяржавы. За апошняе дзесяцігоддзе ў нашай рэспубліцы колькасць залежных ад наркотыкаў асоб павялічылася ў 1,3 разы: з 6 145 чалавек у 2005 годзе, да 8 025 чалавек на пачатак 2018 года.

Барацьба з незаконным абаротам наркатычных сродкаў і псіхатропных рэчываў стала важным напрамкам палітыкі краіны. Беларусь з’яўляецца краінай – удзельніцай Адзінай канвенцыі аб наркатычных сродках, Канвенцыі аб псіхатропных рэчывах, Канвенцыі ААН аб барацьбе супраць незаконнага абароту наркатычных сродкаў і псіхатропных рэчываў. Грунтуючыся на гэтых міжнародна-прававых дакументах, у нас распрацавана нацыянальная заканадаўчая база ў гэтай галіне. У 2012 годзе быў прыняты Закон Рэспублікі Беларусь “Аб наркатычных сродках, псіхатропных рэчывах, іх прэкурсорах і аналагах”, зацверджаны Комплексны план мерапрыемстваў, накіраваных на прыняцце эфектыўных мер па супрацьдзеянні незаконнаму абароту наркотыкаў, прафілактыцы іх спажывання, у тым ліку сярод дзяцей і моладзі, сацыяльнай рэабілітацыі асоб, хворых на наркаманію, на 2017–2018 гады.

Выстаўка складаецца з наступных раздзелаў:

  • Наркотыкі і грамадства: гістарычны нарыс
  • Прававыя меры процідзеяння незаконнаму абароту наркотыкаў і міжнародны кантроль за іх распаўсюджваннем
  • Папярэджанне і прафілактыка наркаманіі, лячэнне і рэабілітацыя нарказалежнасці
  • Барацьба з ужываннем наркотыкаў і незаконным абаротам наркотыкаў у Рэспубліцы Беларусь

У экспазіцыі прадстаўлена больш за 100 дакументаў на рускай, нямецкай, французскай і англійскай мовах. У асноўным гэта дакументы міжнародных арганізацый – кнігі, перыядычныя выданні, мімеаграфаваныя матэрыялы ААН, брашуры.

Выстаўка адрасуецца сацыяльным і медыцынскім работнікам, супрацоўнікам праваахоўных органаў, выкладчыкам і студэнтам, педагогам і бацькам, а таксама ўсім, хто цікавіцца праблемамі наркаманіі.

Карысныя спасылкі

Дакументы

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.
Тэлефон для даведак: (8 017) 293 27 34.

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць вам літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111