З 19 лютага па 10 сакавіка ў Нацыянальнай бібліятэцы Беларусі (3-ці паверх, кальцавы калідор) ладзіцца выстаўка «Гонар маем!», прысвечаная Дню абаронцаў Айчыны і Узброеных Сіл.
Дзень абаронцаў Айчыны і Узброеных Сіл у нашай краіне па традыцыі асацыіруецца з такімі святымі паняццямі, як “мужнасць”, “гераізм”, “любоў да Радзімы”. 23 лютага – гэта ўсенароднае свята, калі мы ўшаноўваем тых, хто служыў і служыць ва Узброеных Сілах, і тых, хто яшчэ толькі рыхтуецца выканаць свой абавязак перад Айчынай. Рэспубліка Беларусь праводзіць шматвектарную міралюбівую палітыку, накіраваную на падтрыманне міжнароднай і рэгіянальнай бяспекі, і не разглядае ні адну дзяржаву як патэнцыяльнага праціўніка.
Напярэдадні свята Нацыянальная бібліятэка запрашае наведаць тэматычную кніжную выстаўку “Гонар маем!”. На ёй прадстаўлена больш за 150 дакументаў пра ваеннае мастацтва, віды ўзбраення, гісторыю і сучаснае становішча Узброеных Сіл Рэспублікі Беларусь.
Пачынае экспазіцыю рад даведачна-інфармацыйных выданняў ваеннай тэматыкі: энцыклапедычны слоўнік “Военное дело” Ф. А. Бракгаўза і І.А. Ефрона, у якім дадзеная тэма раскрываецца ад глыбокай старажытнасці да XX ст., і рэпрынтнае шматтомнае выданне “Военная энциклопедия” 1911г., якое было выпушчана знакамітай пецярбургскай тыпаграфіяй “Товарищество І. Д. Сытина”, сучасныя ваенныя энцыклапедычныя і тлумачальныя слоўнікі, а таксама навукова-папулярнае выданне “История войн”, дзе гаворыцца пра развіццё ваеннага мастацтва ад антычнасті да XXI ст.
Асобным блокам на выстаўцы прадстаўлены выданні, якія падрыхтавала Міністэрства абароны Рэспублікі Беларусь: кніга “Вооруженные силы Республікі Беларусь: 90 лет на страже Отчизны”; электроннае выданне “ Вооруженные силы Республики Беларусь: новейшая история белорусской армии” на 12 дысках; паэтычны зборнік “Мы храним тебя, Беларусь!”; часопіс “Армия” і яго літаратурна-мастацкі дадатак “Армия и культура”. Гэтыя і многія іншыя выданні дадуць чытачам максімальна дакладную інфармацыю пра гісторыю і сучасныя пераўтварэнні беларускай арміі, будуць садзейнічаць ваенна-патрыятычнаму выхаванню моладзі, паслужаць замацаванню незалежнасці, магутнасці і працвітанню нашай Радзімы.
Выстаўка размешчана на 3-м паверсе кальцавога калідора з 19 лютага па 10 сакавіка.
Кантактны тэлефон: 293-28-86.
Увага! У чытальных залах арганізаваны доступ да поўных спісаў літаратуры, прадстаўленай на ўсіх кніжных выстаўках, якія праводзяцца ў бібліятэцы.
 |
 |
 |
 |
 |
 |
 |
 |
