З 24 студзеня па 10 лютага ў навуковай чытальнай зале (пам. 206) арганізавана выстаўка, прысвечаная Дню беларускай навукі.
Рэспубліка Беларусь мае высокі інтэлектуальны патэнцыял, прызнаны сусветнай навуковай супольнасцю. Узровень навуковай думкі з’яўляецца паказчыкам эканамічнага, адукацыйнага і культурнага развіцця дзяржавы. Беларуская навука стварае аўтарытэт краіне і грамадству, адзначае актуальныя праблемы, вырашэнне якіх падымае прэстыж дзяржавы і дазваляе ісці па інавацыйным шляху развіцця.
На выстаўцы прадстаўлены кнігі, якія адлюстроўваюць прыярытэт і пераемнасць айчыннай навукі, яе значэнне для беларускага грамадства і эканомікі. Экспануюцца фундаментальныя працы апошніх гадоў, якія адлюстроўваюць актуальныя напрамкі развіцця навуковай думкі.
У навуковай дзейнасці вялікае значэнне мае талент, асоба, школа. Серыя “Люди белорусской науки” распавядае аб жыццёвым і творчым шляху выдатных навукоўцаў, якія садзейнічалі прарыву айчыннай навукі ў розных галінах ведаў.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 23.
Матэрыял прадастаўлены аддзелам бібліятэчнага абслугоўвання
