ГалоўнаяНавіныКніжныя выстаўкі
Памятаць, каб жыць
Ствараючы жыццё сваёй мары

Глыбіня пазнання і асэнсавання

Глыбіня пазнання і асэнсавання
Іншыя навіны

З 16 снежня па 19 студзеня ў зале беларускай літаратуры (пам. 205) праходзіць выстаўка “Глыбіня пазнання і асэнсавання”, прысвечаная 90-годдзю з дня нараджэння Іларыёна Мяфодзьевіча Ігнаценкі (1919–2002).


У кнігах беларускага гісторыка, акадэміка Нацыянальнай акадэміі навук І.М. Ігнаценкі на багатай дакументальнай аснове асвятляюцца сацыяльна-эканамічныя і палітычныя перадумовы Лютаўскай і Кастрычніцкай рэвалюцый у Беларусі, роля і месца нацыянальных партый і арганізацый у рэвалюцыйных пераўтварэннях краіны, гісторыя нацыянальна-дзяржаўнага будаўніцтва ў Беларусі пасля перамогі Кастрычніцкай рэвалюцыі, уплыў знешняга фактару на нацыянальна-дзяржаўнае самавызначэнне краіны, заканамернасці ўтварэння беларускай савецкай дзяржавы.

Адметнае месца ў пачатку экспазіцыі займае першая манаграфія вучонага – “Беднейшее крестьянство – союзник пролетариата в борьбе за победу Октябрьской революции в Белоруссии (1917–1918 гг.)” (1962), якая стала яго доктарскай дысертацыяй. Тут жа прадстаўлены кнігі “Кастрычнік у Беларусі” (1967), “Дорогой борьбы и созидания: к 40-летию воссоединения Западной Белоруссии в БССР” (1979), “Февральская буржузно-демократическая революция в Белоруссии” (1986), “Великий Октябрь в судьбах белорусского народа” (1987), “Октябрьская революция и самоопределение Белоруссии” (1992) і інш.

У другім раздзеле экспануюцца калектыўныя працы, якія падрыхтаваны і надрукаваны пад непасрэдным кіраўніцтвам І.М. Ігнаценкі і з яго аўтарскім удзелам. Сярод кніг – “Гісторыя Беларускай ССР” у пяці тамах (1977–1975), “Всенародная борьба в Белоруссии против немецко-фашистских захватчиков в годы Великой Отечественной войны: июнь 1941 г. – июль 1944 г.” у 3 тамах (1983–1985) і інш.

Іларыёну Мяфодзьевічу Ігнаценку належаць больш за 200 навуковых прац.

Ратны і працоўны шлях акадэміка І.М. Ігнаценкі адзначаны ордэнам Вялікай Айчыннай вайны, медалём “За абарону Каўказа”, ганаровымі граматамі Вярхоўнага Савета БССР і іншымі ўзнагародамі.

Кантактны тэлефон: 293-77-16.

Навіны

У Нацыянальнай бібліятэцы Беларусі новы прафсаюзны лідар

27 Вер 2021

27 верасня адбылася справаздачна-выбарная канферэнцыя пярвічнай прафсаюзнай арганізацыі Нацыянальнай бібліятэкі Беларусі. На ёй было праведзена галасаванне, па выніках якога абраны новы старшыня пярвічнай прафсаюзнай арганізацыі.

Навіны Нацыянальнай бібліятэкі Беларусі

II Міжнародныя Паскевіцкія чытанні ў Гомелі

27 Вер 2021

23–24 верасня ў Гомельскай абласной універсальнай бібліятэцы адбыліся II Міжнародныя Паскевіцкія чытанні, у працы якіх актыўны ўдзел ўзялі супрацоўнікі Нацыянальнай бібліятэкі Беларусі.

Навіны Нацыянальнай бібліятэкі Беларусі

Гэты мастак малюе самыя незвычайныя істоты беларускага фальклору – вы дакладна пра такіх не ведалі!

26 Вер 2021

У беларускім фальклоры ёсць істоты больш незвычайныя за ведзьм і русалак. Менавіта іх і вырашыў адлюстроўваць у сваіх малюнках мастак-самавук з Гродна. Толькі паглядзіце, як здорава!

Навіны бібліятэк

Бібліятэкарам