З 14 па 30 чэрвеня ў зале беларускай літаратуры (пам. 205) праходзіць выстаўка “Глыбіня і грунтоўнасць”, прысвечаная 100-годдзю з дня нараджэння беларускага літаратуразнаўца і крытыка Ф.І. Куляшова (1913–1993).
Экспазіцыя складаецца з трох раздзелаў: “Пісьменнік і яго кнігі”; “Талент і чалавечнасць”; “Даследчык, педагог, пісьменнік”. Экспанаты выстаўкі – кнігі, брашуры і артыкулы – з максімальнай паўнатой адлюстроўваюць творчасць таленавітага даследчыка. Сярод 90 выданняў, прадстаўленых на выстаўцы, – грунтоўная праца аўтара “Лекции по истории русской литературы конца ХIХ – начала ХХ в.” (ч. 1, 1976; ч. 2, 1980), манаграфіі па творчасці Л. Талстога, І. Мележа, М. Лынькова, М. Някрасава, І. Купрына і інш. Аб плённай даследчыцкай працы навукоўца па вывучэнні сучаснай беларускай літаратуры сведчыць шэраг літаратурна-крытычных артыкулаў, у якіх аналізуецца творчасць Я. Брыля, І. Шамякіна, І. Навуменкі, П. Пестрака, Б. Сачанкі, І. Чыгрынава і іншых пісьменнікаў.
Дакументы апошняга раздзела пазнаёмяць наведвальнікаў з асноўнымі вехамі жыццёвага і творчага шляху таленавітага вучонага. На выставачных паліцах экспануюцца энцыклапедыі, даведачныя выданні, а таксама шматлікія публікацыі, прысвечаныя творчасці Фёдара Іванавіча Куляшова, аўтарамі якіх з’яўляюцца М. Мушынскі, І. Штэйнер, С. Букчын, В. Каваленка, А. Станюта і інш.
Кантактны тэлефон: (8 017) 293 77 16.
 |
 |
 |
