ГалоўнаяНавіныКніжныя выстаўкі
"Залатое кола" Мінска
Царства Саламона

Гісторыя кадыфікацыі працоўнага права

Гісторыя кадыфікацыі працоўнага права
Іншыя навіны

З 1 лістапада па 31 снежня ў зале прававой інфармацыі (пам. 207b) праходзіць выстаўка “Гісторыя кадыфікацыі працоўнага права: 85 гадоў Кодэксу аб працы БССР 1929 г. і 15 гадоў Працоўнаму кодэксу Рэспублікі Беларусь 1999 г.”.


У 2014 годзе спаўняецца 15 гадоў дзеючаму Працоўнаму кодэксу Рэспублікі Беларусь і 85 гадоў з моманту прыняцця першага Кодэкса аб працы БССР.

27 ліпеня 1929 г. ЦВК і СНК БССР прынялі першы Кодэкс аб працы БССР, які абагульніў вопыт праватворчасці і ўжывання заканадаўства аб працы не толькі ў Беларусі, але і саюзных рэспубліках, у першую чаргу – у РСФСР.

Кодэкс замацаваў дзве нормы працоўнага часу: восем гадзін, як максімум, і сем гадзін для прадпрыемстваў, пераведзеных на сямігадзінны працоўны дзень. У дакумент увайшлі агульныя і спецыяльныя прававыя гарантыі па ахове працы рабочых і служачых, а прафсаюзы надзяляліся шырокімі паўнамоцтвамі па кантролі над захаваннем працоўнага заканадаўства. Кодэкс аб працы 1929 г. адлюстраваў, з аднаго боку, дасягненні беларускага заканадаўства, а з іншага – змены эканамічнага курсу ў БССР з НЭП на індустрыялізацыю.

Апошні этап ў развіцці беларускага працоўнага заканадаўства звязаны з падрыхтоўкай і прыняццем дзеючага Працоўнага кодэкса Рэспублікі Беларусь 1999  г. Распрацоўка пятага па ліку кадыфікаванага акта аб працы, які дзейнічае на тэрыторыі Беларусі, пачалася ў 1993 г. Новы кодэкс павялічыўся ў аб'ёме па прычыне таго, што ў яго былі ўключаны новыя нормы, якія рэгулююць парадак вырашэння калектыўных працоўных спрэчак, а таксама нормы, што рэгулююць заключэнне і дзеянне калектыўных дагавораў (дамоў) і іншыя нормы. Былі ўлічаны міжнародныя дагаворы Рэспублікі Беларусь, у тым ліку і канвенцыі Міжнароднай арганізацыі працы, у якіх удзельнічае Рэспубліка Беларусь. Структура новага кодэкса значна адрозніваецца ад папярэдняга КЗаПа, які страціў сілу 1 студзеня 2000 г. Пры распрацоўцы новага Працоўнага кодэкса рэспублікі заканадаўцы ўлічылі вопыт рэгулявання працоўных і цесна звязаных з імі адносін не толькі краін СНД, але і краін Еўропы, Азіі і ЗША.

Шматгадовы вопыт прымянення Працоўнага кодэкса сведчыць пра тое, што яго нормы ў цэлым забяспечваюць вытворчую і ахоўную функцыі. Разам з тым патэнцыял норм працоўнага заканадаўства можа быць узмоцнены з улікам патрэбнасцей развіцця грамадства на сучасным этапе.

Экспазіцыя налічвае каля 50 дакументаў: кнігі, брашуры, перыядычныя выданні.

Выстаўка ўключае наступныя тэматычныя раздзелы:

  • Працоўны кодэкс Рэспублікі Беларусь – найважнейшая крыніца працоўнага права.
  • Гісторыя стварэння Працоўнага кодэкса Рэспублікі Беларусь.
  • Узаемаўплыў працоўнага заканадаўства Беларусі і Расіі.
  • Кадыфікацыя як форма праватворчасці ў сферы працы.

Выстаўка прызначана навуковым супрацоўнікам, выкладчыкам, аспірантам і студэнтам юрыдычных ВНУ. Будзе карысная ўсім, хто цікавіцца працоўным правам.

Навіны

#BelBookChallenge рэкамендуе: пераклады класікі

5 Сак 2021

BelBookChallenge выходзіць на фінішную прамую! Да канца чэленжда застаўся адзін дзень, таму самы час дачытваць недачытанае і пісаць на яго рэцэнзіі, каб усё-усё паспець. А для надання сіл і запалу ў вашым апошнім рыўку Нацыяналка склала для вас не проста падборку, а сапраўдную падвойную норму кніжных рэкамендацый! Сёння пад нашым прыцэлам адразу дзве тэмы: пераклады замежнай класікі і пераклады з рускай мовы – узбоўтаць, але не змешваць. Пра якія-небудзь з гэтых перакладзеных кніг вы напэўна ўжо чулі, а штосьці можа стаць для вас адкрытым сюрпрызам.

Блог прафесійнага чытача

Да 125-годдзя з дня нараджэння Кандрата Крапівы

5 Сак 2021

5 сакавіка спаўняецца 125 гадоў з дня нараджэння беларускага драматурга, празаіка, сатырыка, паэта, перакладчыка, акадэміка АН БССР, народнага пісьменніка Беларусі Кандрата Крапівы (1896–1991).

Па старонках беларускага календара

Віншуем Галіну Канстанцінаўну Кулагу, ветэрана Нацыянальнай бібліятэкі Беларусі, з 80-годдзем!

8 Сак 2021

Калектыў Нацыянальнай бібліятэкі Беларусі віншуе Галіну Канстанцінаўну з юбілейнай датай і ад усёй душы жадае моцнага здароўя на доўгія гады, бадзёрасці духу і невычэрпнага энтузіязму.

Партрэты: гісторыя бібліятэкі ў асобах

Унікальная выстаўка бальных убораў і аксесуараў адкрылася ў бібліятэцы

4 Сак 2021

4 сакавіка ў выставачным комплексе бібліятэкі (пам. 104) адбылося адкрыццё ўнікальнага праекта “Бляск убораў і таямніцы флірту”. Экспанаты прадстаўлены з прыватнай калекцыі Ігара Сурмачэўскага.

Выставачныя мультыпраекты

#BelBookChallenge прапануе: кнігі з дзяцінства ў перакладзе на беларускую мову

4 Сак 2021

BelBookChallenge не проста так прапануе вам наступную тэму – кнігі, што падабаліся ў дзяцінстве, у перакладзе на беларускую. Што за магчымасць, акрамя выкліку самому сабе, можа прымусіць нас вярнуцца да нечага ўжо прачытанага і асэнсаванага некалі?

Блог прафесійнага чытача

Бібліятэкарам
111