З 20 па 28 лютага ў Нацыянальнай бібліятэцы Беларусі (2-гі паверх, кальцавы калідор) ладзіцца выстаўка “Гімн мужнасці”, прымеркаваная да Дня абаронцаў Айчыны і Узброеных Сіл Рэспублікі Беларусь.
23 лютага – свята, якое ўвасабляе мужнасць і гераізм усіх, хто насіў і носіць ваенную форму, хто аддаваў і аддае свае лепшыя гады высакароднай справе – служэнню Радзіме.
У нашай краіне вайсковая служба заўсёды была ў пашане. Рэспубліка Беларусь праводзіць шматвяковую міралюбівую палітыку, якая напраўлена на падтрымку міжнароднай і рэгіянальнай бяспекі.
Тэматычная кніжная выстаўка “Гімн мужнасці” ўключае больш за 150 дакументаў па ваенным мастацтве і ўзбраенні, адукацыі і праве, гісторыі і сучасным становішчы Узброеных Сіл Рэспублікі Беларусь.
У экспазіцыі прадстаўлены выданні, падрыхтаваныя Міністэрствам абароны Рэспублікі Беларусь – кнігі “Вооруженные Силы Республики Беларусь: 90 лет на страже Отечества”, “От штаба округа к Генеральному штабу Вооруженных Сил Республики Беларусь (1918–2011 гг.)”, часопіс “Армия” і яго літаратурна-мастацкі дадатак “Армия и культура”.
Таксама на выстаўцы экспануецца шэраг энцыклапедычных і даведачна-інфармацыйных выданняў ваеннай тэматыкі: першая, выдадзеная ў нашай краіне, “Ваенная энцыклапедыя Беларусі”, “Военный энциклопедический словарь”, энцыклапедычны слоўнік “Военное дело” Ф.А. Бракгаўза і І.А. Эфрона, у якім дадзеная тэма разглядаецца з глыбокай старажытнасці да XX ст., навукова-папулярнае выданне “История войн” пра развіццё ваеннага мастацтва ад антычнасці да XXI ст.
Гэтыя і многія другія выданні даюць чытачам дакладную інфармацыю пра гісторыю і сучасныя пераўтварэнні беларускай арміі, садзейнічаюць ваенна-патрыятычнаму выхаванню моладзі нашай краіны.
Кантактныя тэлефоны: (8 017) 293 28 86; (8017) 293 29 80.