З 4 лістапада па 31 снежня ў зале перыядычных выданняў (пам. 106) праходзіць тэматычная выстаўка “Гартаючы старонкі юрыдычнай перыёдыкі”.
Прафесійныя перыядычныя выданні – неад’емная частка самаадукацыі спецыялістаў у сферы права. Інфармацыя, якая ў іх апублікавана, у сувязі з яе аператыўнасцю, шматаспектнасцю і актуальнасцю з’яўляецца каштоўнай крыніцай для павышэння ўзроўню прафесійнага майстэрства.
Матэрыял, які экспануецца на выстаўцы, будзе цікавы спецыялістам розных сфер ведаў.
Наведвальнікі выстаўкі змогуць азнаёміцца з публікацыямі з перыядычных выданняў “Судовы веснік”, “Юрист”, “Вестник Высшего Хозяйственного Суда Республики Беларусь”, “Промышленно-торговое право”, “Юстыцыя Беларусі”, “ Библиотечка журнала «Юрист»”, “Право и бизнес”, “Законодательство и правопорядок” і інш.
У дакументах, прадстаўленых на выстаўцы, шырока асвятляецца шэраг пытанняў па сучасным стане прававой дзейнасці ў нашай краіне. Аўтары артыкулаў знаёмяць чытачоў з асноўнымі кірункамі ўдасканалення судовай дзейнасці на бліжэйшы перыяд, Законам Рэспублікі Беларусь “Аб камерцыйнай тайне”, прынятым у 2013 г.; разглядаюць пытанні аб ролі гаспадарчых судоў у сучасных эканамічных рэформах; дапамагаюць зразумець сутнасць механізмаў узаемадзеяння работніка і наймальніка.
Экспазіцыя налічвае больш за 40 перыядычных выданняў.
Кантактны тэлефон: (8 017) 293 25 87.