З 3 мая па 30 чэрвеня ў зале перыядычных выданняў (пам. 106) праходзіць тэматычная выстаўка “Гартаючы старонкі гісторыі...”.
Беларусь... Якое мілагучнае гэтае слова і якая прыгожая сама краіна! Вядомая беларуская гасціннасць – свайго роду даведнік, дзякуючы якому наша родная зямля паўстае менавіта такой, якая ёсць на самой справе. А гэта і шматлікія вартыя захаплення архітэктурныя помнікі, і фальклор, і абрады, і дзівосная прыродная прыгажосць. Менавіта любоў да роднага краю, веданне яго гісторыі, культуры і традыцый – ёсць аснова росту духоўнай культуры ўсяго грамадства.
На выстаўцы прадстаўлены публікацыі, якія расказваюць пра гістарычныя славутасці вялікіх і малых гарадоў Беларусі. Кожны яе куток цікавы па-свойму, і артыкулы з часопісаў “Беларускі гістарычны часопіс”, “Маладосць”, “Планета”, газет “Літаратура і мастацтва”, “Комсомольская правда в Белоруссии” і іншых дапамогуць чытачам сустрэцца з мінулым сваёй краіны.
Гісторыя не безаблічная. Гэта складаная і супярэчлівая з’ява, у якой удзельнічаюць не толькі вялікія масы людзей, але і выдатныя асобы. Неад’емнымі і найважнейшымі ўдзельніцамі беларускага гістарычнага працэсу былі і застаюцца жанчыны, пра што сведчаць шматлікія публікацыі ў перыядычных выданнях “Беларуская думка”, “Белая вежа”, “Звязда”, “Культура”, “Краязнаўчая газета” і іншых.
Cамай актуальнай тэмай для Беларусі па-ранейшаму застаецца Вялікая Айчынная вайна. Некаторыя невядомыя раней старонкі гісторыі адкрыюць для сябе чытачы дзякуючы часопісам “Наука и инновации”, “Беларусь”, газетам “Рэспубліка”, “Літаратура і мастацтва” і шэрагу іншых.
Усяго на выстаўцы прадстаўлена каля 40 перыядычных выданняў.
Кантактны тэлефон: (8 017) 293 25 87.
 |
 |
 |
 |
 |
 |
