З 1 лістапада па 31 снежня ў зале перыядычных выданняў (пам. 106) праходзіць выстаўка “Энергазберажэнне – залог устойлівага развіцця”.
Павышэнне эфектыўнасці выкарыстання паліўна-энергетычных рэсурсаў і стварэнне неабходных умоў для пераводу эканомікі краіны на энергазберагальны шлях развіцця – адна з прыярытэтных задач дзяржаўнай энергетычнай палітыкі. Сярод дакументаў экспазіцыі – пастанова Савета Міністраў Рэспублікі Беларусь “Аб мерах па падвышэнні эфектыўнасці выкарыстання паліўна-энергетычных рэсурсаў на перыяд да 2012 года”, апублікаваная ў часопісе “Энергия и менеджмент” (2010 г., № 2).
Пытанні энерганебяспечнасці і энергазберажэння знаходзіліся ў цэнтры ўвагі ўдзельнікаў 14-й Міжнароднай спецыялізаванай выстаўкі “Белпрамэнерга” і 13-га Міжнароднага сімпозіума “Тэхналогіі. Абсталяванне. Якасць”. Абодва мерапрыемствы праходзілі ў рамках Беларускага прамысловага форуму. З падрабязнай інфармацыяй пра даную падзею знаёміць артыкул К. Валошынай «“Белорусский промышленный форум – 2010”: эффективность и инновационный подход» (часопіс “Энергетика и ТЭК”, 2010 г., № 6).
Шэраг публікацый, прадстаўленых на выстаўцы, закранае такую актуальную праблему энергетыкі, як нетрадыцыйныя і аднаўляльныя крыніцы энергіі.
Усяго на выстаўцы прадстаўлена больш за 30 часопісаў і газет.
Кантактны тэлефон: 293-25-87.