З 2 сакавіка 2009 года ў зале перыядычных выданняў (пам. 106) праходзіць тэматычная кніжная выстаўка “Эканамічная тэорыя, навука і практыка ў ХХI стагоддзі”.
У перыяд глабальных змен, якія адбываюцца ў свеце, інтарэс людзей да эканамічнай тэорыі ўсё больш узрастае. У сучасных умовах кожны адукаваны чалавек павінен разбірацца ў шырокім коле эканамічных пытанняў, каб самастойна вызначаць сваю пазіцыю і мець пэўнае светаразуменне.
На выстаўцы прадстаўлена больш за 50 публікацый розных аўтараў з перыядычных выданняў за 2008 год.
Пытанням эканамічнага развіцця Рэспублікі Беларусь прысвечаны прадстаўленыя на выстаўцы публікацыі часопіса “Экономика Беларуси” (2008). Сярод іх – артыкулы міністра эканомікі Рэспублікі Беларусь М.П. Зайчанкі “Белорусская экономика: темпы роста сохраняются”, намесніка прэм’ер-міністра Рэспублікі Беларусь А.У. Кабякова “Инвестировать в экономику Беларуси комфортно и выгодно” і інш.
Не губляе актуальнасці пытанне пра ролю дзяржавы ў эканамічнай сістэме. Задача эканамічнай навукі – вызначыць, куды павінен быць накіраваны вектар дзяржаўнага рэгулявання. Сярод матэрыялаў экспазіцыі – публікацыя Т.У. Сакалінскай “Белорусская модель государственного регулирования экономики: институциональный подход”, апублікаваная ў часопісе “Экономика ХХI века” (2008).
Шырокаму асвятленню тэмы садзейнічае прадстаўленая на выстаўцы падборка матэрыялаў з часопісаў “Общество и экономика”, “Экономист”, “Вопросы экономики”, “Новая экономика”, “Мировая экономика и международные отношения” і інш.
Выстаўка будзе доўжыцца да 30 красавіка.
Кантактны тэлефон: 293-25-87.