ГалоўнаяНавіныКніжныя выстаўкі
Візіт у Нямецкі гістарычны музей
Плённы саюз мужчыны і жанчыны

Дум і слова ўладар

Дум і слова ўладар
Іншыя навіны

З 1 па 31 снежня ў зале беларускай літаратуры (пам. 205) праходзіць юбілейная выстаўка “Дум і слова ўладар”, прысвечаная 100-годдзю з дня нараджэння беларускага празаіка, паэта і перакладчыка Р.В. Няхая (1914–1991).


Выстаўка распавядае пра нястомнага шукальніка добрых і мужных сэрцаў Рыгора Восіпавіча Няхая, які светлымі і шчырымі словамі ўслаўляў прыгажосць зямлі, гераічныя подзвігі і мірную працу людзей. Любоў да радзімы, суквецця палявых фарбаў, гоману бароў і гаёў ён пранёс праз гады. Пісьменнік-франтавік ведаў цану жыцця і прапагандаваў дружбу паміж народамі.

Экспазіцыю адкрывае калекцыя ўласных твораў аўтара. Найбольш увагі ён надаваў прозе, адным з першых сярод беларускіх аўтараў пачаў распрацоўваць тэму гераічнай партызанскай барацьбы ў Беларусі. Ваенныя шляхі пісьменніка, баявы жыццёвы вопыт ляглі ў аснову яго твораў. Сярод экспанатаў – дакументальная кніга “Партызанскі край” (у суаўт. з В. Лівенцавым); успаміны партызанскіх камандзіраў І. Вятрова (“Браты па зброі”) і І. Шубітыдзе (“Палескія былі”), літаратурны запіс якіх зрабіў Р. Няхай; аповесці, прысвечаныя Героям Савецкага Саюза Веры Харужай (“Героі не адступаюць”) і Лене Колесавай (“Алёшка-атаман”); аповесці “Сарочы лес”, “Туман над стэпам” і “Шлях на Эльбу”, якія склалі трылогію і маюць у аснове некаторыя асабістыя факты з жыцця аўтара.

У ліку прадстаўленых дакументаў – першы зборнік паэзіі Рыгора Няхая “Па сонечных узгорках”, які выйшаў у 1939 г. Шмат вершаў пісьменнік напісаў на фронце, але захавалася не ўсё. На выстаўцы таксама экспануюцца паэтычныя зборнікі, якія былі надрукаваны пасля вайны (“Маё пакаленне” (1950), “Вялікі мой і ціхі акіян” (1954), “Размова з восенню” (1961), “Асеннія пракосы” (1973), “Слова сябрам” (1982)).

Як былы настаўнік Рыгор Восіпавіч не мог не звярнуцца да дзіцячай аўдыторыі. Экспазіцыя знаёміць з кнігамі пісьменніка для падрастаючага пакалення “Пра храбрага хлопчыка” (вершы, 1962), “Як расцвітае кветка” (апавяданні, 1968), “Я з табою, гвардыя” (аповесць, 1983).

Другая частка выстаўкі ўключае ўзоры перакладчыцкай дзейнасці Рыгора Няхая, сярод якіх – “Дзень айца Сойкі” С. Тудора, “Над Чэрэмошам” М. Стэльмаха, “Памфлеты” Ю. Мельнічука, паэма А. Твардоўскага “Дом ля дарогі”, асобныя творы М. Рыльскага, А. Малышкі, Ю. Збанацкага і інш. У раздзеле прадстаўлены і пераклады яго твораў на рускую, украінскую, літоўскую, армянскую і балгарскую мовы.

Пра асаблівасці жыцця і творчага шляху Рыгора Няхая можна даведацца з апошняга раздзела экспазіцыі, у якім прадстаўлены асобныя выданні, перыядычныя і энцыклапедычныя артыкулы па тэме.

Усяго на выстаўцы сабрана звыш 100 дакументаў.

Кантактны тэлефон: (8 017) 293 27 16.

Навіны

Па Мазырскім краі – віртуальна ў летні дзень

8 Ліп 2020

Краязнаўчы напрамак сваёй дзейнасці працягвае Мазырская цэнтральная раённая бібліятэка імя А. С. Пушкіна Гомельскай вобласці. Яна прадаставіла віртуальнай чытальнай зале Нацыянальнай бібліятэкі Беларусі адразу некалькі сваіх рэсурсаў пра край.

Бібліятэка анлайн

Інтэрв’ю з гендырэктарам Нацыянальнай бібліятэкі да Дня Незалежнасці

7 Ліп 2020

А вы ведалі, што Беларусь займае 10-е месца ў свеце па колькасці бібліятэк на мільён насельніцтва? Да Дня Незалежнасці здымачная група тэлеканала АНТ прыехала ў беларускі храм кнігі, каб сустрэцца з яго кіраўніком.

Навіны Нацыянальнай бібліятэкі Беларусі

7 Ліп 2020

7 ліпеня 1882 года ў вёсцы Вязынка, што паміж Мінскам і Маладзечна, нарадзіўся Янка Купала. Звычайны беларускі хлапец з танклявымі рысамі твару мог паўтарыць лёс свайго бацькі – дробнага шляхціца, які жыў з арэнды зямлі.

Навіны бібліятэк

Нацыянальная бібліятэка Беларусі на міжрэгіянальным круглым стале “Метадычная служба рэгіянальных бібліятэк у сучасных умовах”

7 Ліп 2020

Да 75-годдзя Вялікай Перамогі 3 ліпеня 2020 года ў Пензенскай абласной бібліятэцы імя М. Ю. Лермантава ў фармаце анлайн адбыўся XII Міжрэгіянальны круглы стол “Метадычная служба рэгіянальных бібліятэк у сучасных умовах”, удзел у якім Нацыянальная бібліятэка Беларусі прыняла ўпершыню.

Навіны Нацыянальнай бібліятэкі Беларусі

Фонд бібліятэкі папоўніўся каштоўнымі выданнямі

6 Ліп 2020

У рамках выставачнага праекта “Вайна і мір. Беларусь памятае. Вяртанне”, прымеркаванага да 75-годдзя Вялікай Перамогі, калекцыянер Уладзімір Ліхадзедаў перадаў бібліятэцы рэдкія выданні XIX–XX стагоддзяў. Сярод іх – унікальныя кнігі, якія распавядаюць пра ваеннае і мірнае жыццё Беларусі ў перыяд з 1812 па 1945 год.

Навіны Нацыянальнай бібліятэкі Беларусі

111