З 2 ліпеня па 31 жніўня ў зале перыядычных выданняў (пам. 106) праходзіць тэматычная выстаўка “Добрая парада даражэйшая за золата”.
Выконваючы якую-небудзь працу, кожны з нас часта мае патрэбу ў практычнай парадзе, але не заўсёды ведае, дзе яе атрымаць. Мэта дадзенай экспазіцыі – пазнаёміць чытачоў з перыядычнымі выданнямі, прадстаўленымі ў падсобным фондзе залы часопісаў, публікацыі якіх змяшчаюць каштоўныя парады і рэкамендацыі, звязаныя з будаўніцтвам і рамонтам, раскрываюць сакрэты майстэрства па дамаводстве, рукадзелля, кулінарыі і інш.
З дапамогай часопісаў “Сам себе мастер”, “1000 советов”, “Золотые ручки”, “Советы профессионалов”, “Поделись советом” вы навучыцеся прымаць правільныя рашэнні, а дробныя бытавыя праблемы цяпер будуць вырашаны проста і хутка.
Тым, хто клапоціцца пра сваё здароўе і звяртаецца да сродкаў народнай медыцыны, будуць цікавымі матэрыялы часопісаў “Ваш лекарь”, “Целитель”, “Секреты исцеления”, газет “Вестник ЗОЖ”, “Сам себе доктор”, “Лечебные письма”. Вас чакаюць незвычайныя метады лячэння захворванняў і шматлікія рэцэпты.
Чытачы, якія займаюцца творчасцю альбо маюць розныя хобі, знойдуць мноства крэатыўных ідэй у часопісах “Кудесница”, “Делаем сами”, “Ксюша” і інш.
Усяго экспазіцыя налічвае больш за 40 газет і часопісаў.
Кантактны тэлефон: (8 017) 293 25 87.
 |
 |
 |
 |
 |
 |
