ГалоўнаяНавіныКніжныя выстаўкі
Рэспубліка Беларусь і ўстойлівае развіццё
Гісторыя Беларусі ў новым электронным выданні

Дарога дабрыні

Дарога дабрыні
Іншыя навіны

З 11 студзеня па 12 лютага ў зале беларускай літаратуры (пам. 205) праходзіць выстаўка “Дарога дабрыні”, прысвечаная 100-годдзю з дня нараджэння беларускага пісьменніка Васіля Хомчанкі (1919–1992).

Экспазіцыя налічвае каля 130 выданняў і складаецца з чатырох раздзелаў: “Выхоўваць адчуванне прыгожага”, “На хвалях мары і жыцця”, “Сярод людзей добрых”, “Вязень, салдат, пісьменнік”.

Асноўная частка выстаўкі – гэта творы В. Хомчанкі, выдадзеныя асобна ці надрукаваныя ў калектыўных зборніках і перыядычных выданнях. Сярод прадстаўленай літаратуры – кнігі апавяданняў для дзяцей і юнацтва “Наша вячэра”, “Рукавіцы генерала Даватара”, “Аднойчы майскім днём”, “Верны рыцар”, “Сустрэча з цудам”, аповесць пра паэта-дэмакрата Ф. Багушэвіча "Пры апазнанні – затрымаць", кніга аповесцей і апавяданняў “Цар – зэк Сямён Івашкін”, дзе знайшлі адлюстраванне падзеі рэпрэсій, а таксама раман “Вяртанне ў агонь”, зборнікі гумарэсак і апавяданняў “Паляванне на львоў”, “Лёгкая рука” і інш.

Выстаўка знаёміць наведвальнікаў і з перакладчыцкай дзейнасцю Васіля Хомчанкі. На беларускую мову пісьменнік пераклаў казку Р. Кіплінга “Чаму ў слоніка доўгі нос”, апавяданні літоўскіх і латышскіх аўтараў. Акрамя гэтага прадстаўлены шматлікія творы В. Хомчанкі, перакладзеныя на рускую, літоўскую, украінскую і іншыя мовы свету.

Дапаўняюць экспазіцыю манаграфіі, зборнікі, энцыклапедычныя і перыядычныя выданні, якія дастаткова поўна раскрываюць жыццёвы і творчы шлях пісьменніка.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Факсіміле высокага ўзроўню

19 Ліп 2019

Міжнародны навуковы і выдавецкі праект па факсімільным узнаўленні кніжнай спадчыны Францыска Скарыны, рэалізаваны Нацыянальнай бібліятэкай Беларусі і Банкам БелВЭБ, доўжыўся пяць гадоў і быў паспяхова завершаны падчас святкавання 500-годдзя беларускага кнігадрукавання – у 2017 годзе.

Навіны Нацыянальнай бібліятэкі Беларусі

Па сакрэце: таямніцы фондасховішча Нацыянальнай бібліятэкі

19 Ліп 2019

Нядаўна мы прыадчынілі заслону таямнічасці ў сховішчы “алмаза ведаў”. Значная частка фондаў – гэта не кнігі. Прапануем зазірнуць на стэлажы з газетамі і часопісамі і даведацца больш падрабязна, што захоўваецца ў спецыялізаваным фондзе.

Аўтарскі погляд

Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны

19 Ліп 2019

Гэта другі том легендарнага двухтомніка паэтычных твораў Адама Міцкевіча, які выйшаў ў траўні 1823 г. у выдавецтве знакамітага віленскага друкара і кнігагандляра Юзафа Завадскага.

Навіны Нацыянальнай бібліятэкі Беларусі

Беларускі “Буквар” крочыць па планеце

18 Ліп 2019

У 2018 г. Нацыянальная бібліятэка Беларусі завяршыла міжнародны навуковы выдавецкі праект па факсімільным ўзнаўленні кніжнага артэфакта – першай кнігі пад назвай “Буквар”, выдадзенай 24 ліпеня 1618 г. у друкарні Віленскага Свята-Духава праваслаўнага брацтва ў Еўе (цяпер г. Вевіс, Літва).

Навіны Нацыянальнай бібліятэкі Беларусі

Нацыянальная бібліятэка Беларусі на VI Форуме рэгіёнаў Беларусі і Расіі

18 Ліп 2019

16–18 ліпеня ў Санкт-Пецярбургу адбыўся VI Форум рэгіёнаў Беларусі і Расіі пры ўдзеле Прэзідэнта Рэспублікі Беларусь Аляксандра Лукашэнкі і Прэзідэнта Расійскай Федэрацыі Уладзіміра Пуціна, а таксама дэлегацый Савета Рэспублікі Нацыянальнага сходу Рэспублікі Беларусь і Савета Федэрацыі Федэральнага сходу Расійскай Федэрацыі па міжрэгіянальным супрацоўніцтве.

Навіны Нацыянальнай бібліятэкі Беларусі

“Новая” Эліза Ажэшка ў цыкле лекцый Святланы Воцінавай

15 Ліп 2019

Журналістка, галоўны рэдактар часопіса “Маладосць” Святлана Воцінава праводзіць цыкл лекцый, прысвечаны польскамоўнай прадстаўніцы беларускай літаратуры Элізе Ажэшка. У інтэрв'ю для Нацыянальнай бібліятэкі яна распавяла, чаму толькі зараз мы адкрываем для сябе “сапраўдны” вобраз пісьменніцы.

Аўтарскі погляд

Купалаў фэст аб’яднаў літаратурныя і касцёльныя традыцыі

16 Ліп 2019

14 ліпеня ў Радашковічах урачыста адбыўся Купалаў фэст – 2019. Ён праходзіў пад дэвізам “Беларусь – маё сэрца, залатая краіна” .  Арганізатарамі выступілі мінскі Дзяржаўны літаратурны музей Я. Купалы, які прадстаўляла спадарыня Марыя Барткова, і мясцовая каталіцкая парафія.

Навіны бібліятэк

111