З 1 ліпеня па 29 жніўня ў зале перыядычных выданняў (пам. 106) ладзіцца выстаўка “Чытаем спартыўную перыёдыку”, прымеркаваная да Міжнароднага дня спартыўнага журналіста (2 ліпеня).
Дзень спартыўнага журналіста адзначаецца па ініцыятыве Міжнароднай асацыяцыі спартыўнай прэсы з 1995 года.
Спорт ва ўсе часы быў і застаецца той сілай, якая яднае і гуртуе не толькі асобных людзей, але і цэлыя краіны і кантыненты. Пра гэта сведчаць Алімпійскія гульні, чэмпіянаты свету і кантынентальныя спаборніцтвы.
Міратворчасць, дух сумленнай барацьбы, імкненне да здаровага ладу жыцця – гэтыя складнікі сучаснага спорту аб’ядноўваюць у сабе лепшае з таго, што чалавецтва дасягнула за час свайго існавання.
Спартыўная журналістыка мае немалаважнае значэнне для папулярызацыі і развіцця фізкультуры наогул і сучаснага спорту ў прыватнасці. Дзякуючы журналістам, інфармацыя пра падзеі, якія адбываюцца ў свеце спорту, становіцца даступнай для ўсіх.
Спартыўная перыёдыка прадстаўлена на выстаўцы спецыялізаванымі выданнямі: часопісамі “Мир спорта”, “Фізічная культура і здароўе”, “Физкультура и спорт”, “Спорт на воде”, газетамі “Спортивная панорама”, “Спорт-экспресс”, “Прессбол” і інш.
Дапаўняюць экспазіцыю найбольш цікавыя публікацыі спартыўнай тэматыкі з няпрофільных часопісаў, сярод якіх “Беларуская думка”, “Беларусь”, “Армия”, “Веснік сувязі”, “Наука и инновации” і інш.
Шматлікія матэрыялы, прадстаўленыя ў экспазіцыі, раскажуць пра значныя падзеі спартыўнага жыцця, пра падрыхтоўку да Алімпійскіх гульняў 2014 года, якія пройдуць у Сочы, пра вядомых спартсменаў і г. д.
Усяго на выстаўцы экспаннуюцца каля 40 перыядычных выданняў.
Кантактны тэлефон: 293-25-87.