ГалоўнаяНавіныКніжныя выстаўкі
Дзіцячы пакой запрашае
“Калевала” па-беларуску

Чай – мастацтва, даступнае ўсім

Чай – мастацтва, даступнае ўсім
Іншыя навіны

З 15 снежня па 31 студзеня ў бібліятэцы (3-ці паверх, кальцавы калідор) праходзіць выстаўка “Чай – мастацтва, даступнае ўсім”, прымеркаваная да Міжнароднага дня чаю.


Штогод 15 снежня ва ўсіх краінах, якія трымаюць статус вядучых сусветных вытворцаў чаю, адзначаецца Міжнародны дзень чаю (International Tea Day). Гэта параўнальна маладое свята. Рашэнне адзначаць яго менавіта 15 снежня было прынятае пасля неаднаразовага абмеркавання ў шматлікіх міжнародных арганізацыях і прафсаюзах на працягу Сусветнага грамадскага форуму (World Social Forum), што праходзіў у 2004 годзе ў Мумбаі (Індыя).

Свята, хоць і не з’яўляецца афіцыйным, шырока адзначаецца ў шэрагу краін. Да гэтага дня прымеркаваныя розныя выстаўкі, майстар-класы, семінары, рэкламныя акцыі, прысвечаныя тэме чаю і правілам яго ўжывання.

На выстаўцы “Чай – мастацтва, даступнае ўсім” прадстаўлена каля 150 выданняў. Гэта літаратура на рускай, англійскай, кітайскай, карэйскай мовах пра розныя чайныя традыцыі і гісторыю іх узнікнення. Цікавыя выданні пачатку XX стагоддзя: “Чай. Мировая торговля чаем”, “Чай и чайная торговля в России: 1790–1919 гг.” і інш.

У раздзеле “Культура спажывання чаю” чытач знойдзе такія ярка ілюстраваныя выданні, як “Энциклопедия чая” і “Чай. Чаепитие по всем правилам”. Кнігі гэтага раздзела расказваюць пра выкарыстанне чаю, прапаноўваюць рэцэпты гатавання розных напояў і ласункаў на яго аснове. Чытач пазнаёміцца з нацыянальнымі традыцыямі чаявання шматлікіх краін.

У кнізе Лам Кам Чуэна “Путь чая. Секреты древней традиции” аўтар, міжнародны эксперт па розных кітайскіх мастацтвах, знаёміць са старажытным напоем, асвятляючы яго шматвяковую гісторыю. Выданне прадстаўляе існуючыя гатункі чаю, расказвае пра распаўсюджванне чайнай культуры па ўсім свеце, працэс падрыхтоўкі чайнага лісця, традыцыях кітайскага і японскага чаявання, здольнасць чаю лячыць хваробы.

Кантактны тэлефон: (8 017) 293 28 86.

Навіны

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Бібліятэкарам
111