ГалоўнаяНавіныКніжныя выстаўкі
Нядаўнія студэнты – зараз выпускнікі: цырымонія ўручэння дыпломаў будучым педагогам
Сімфонія колеру

Часоў былых і новых сувязь

Часоў былых і новых сувязь
Іншыя навіны

З 29 чэрвеня па 31 ліпеня ў зале беларускай літаратуры (пам. 205) праходзіць юбілейная выстаўка “Часоў былых і новых сувязь”, прысвечаная 100-годдзю з дня нараджэння крытыка, літаратуразнаўца Рыгора Саламонавіча Бярозкіна (1918–1981).

З самага пачатку сваёй творчай дзейнасці Рыгор Бярозкін вызначаўся глыбокай дасведчанасцю, эрудыцыяй ва ўсім, што было звязана з мастацкай літаратурай. Ён не меў вучоных ступеняў і званняў, не займаўся выкладчыцкай дзейнасцю, але, як пісаў Алесь Адамовіч, “аўтарытэт крытыка Бярозкіна ў нашай літаратуры заўсёды быў надзвычай высокі”.

Тонкі знаўца і даследчык паэзіі, паэт у душы, Рыгор Саламонавіч сказаў сваё слова амаль пра ўсіх значных беларускіх паэтаў: М. Багдановіча, М. Чарота, П. Броўку, А. Куляшова, П. Панчанку, А. Пысіна, Р. Барадуліна і іншых. Аднак ёсць паэт, якому даследчык прысвяціў большасць сваіх прац і лічыў яго творы вышэйшым узорам паэзіі, – Янка Купала. У кнізе “Свет Купалы: думкі і назіранні”, якая прадстаўлена ў экспазіцыі, Р. Бярозкін разгледзеў, асэнсаваў і паказаў маштабнасць народнага паэта Беларусі.

Выстаўка знаёміць наведвальнікаў са зборнікамі крытычных артыкулаў Рыгора Бярозкіна “Паэзія праўды”, “Спадарожніца часу”, “Постаці”, “Звенні: творчая індывідуальнасць і ўзаемадзеянне літаратур”, “Кніга пра паэзію”, “Паэзія – маё жыццё” (выйшла пасля смерці аўтара), а таксама з крытыка-біяграфічнымі нарысамі “Пімен Панчанка”, “Аркадзь Куляшоў”, “Чалавек напрадвесні”, якія вылучаюцца сур’ёзным і грунтоўным аналізам, яснай думкай, веданнем тэорыі паэзіі і выразным стылем. Кнігі даследчыка даюць яскравае ўяўленне аб працэсе развіцця беларускай паэзіі канца 30–70-х гадоў ХХ ст.

Асобная частка экспазіцыі прысвечана творчасці Рыгора Бярозкіна як укладальніка, якога цікавілі не толькі праблемы сучаснай беларускай літаратуры, але і пытанні зараджэння, станаўлення нацыянальнай літаратуры на Беларусі, узаемадзеяння літаратур розных народаў. Сярод змешчаных у раздзеле кніг – зборнікі паэзіі М. Лермантава, А. Пушкіна, Ю. Таўбіна, А. Моркаўкі і іншых.

Дапаўняюць выстаўку матэрыялы пра жыццёвы і творчы шлях літаратуразнаўца.

Усяго экспазіцыя налічвае каля 70 дакументаў.


Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра бібліятэкі.
Тэлефон для даведак: (8 017) 293 27 16.

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111