ГалоўнаяНавіныКніжныя выстаўкі
Прэзентацыя “Карлаг: памяць у імя будучыні”
Прэзентацыя факсімільнага выдання кніг Скарыны

Чароўныя шматграннікі

Чароўныя шматграннікі
Іншыя навіны

З 18 лістапада па 15 снежня ў Нацыянальнай бібліятэцы Беларусі (3-ці паверх, кальцавы калідор) размешчана тэматычная выстаўка “Чароўныя шматграннікі”, прымеркаваная да Году крышталяграфіі.


2014 год абвешчаны Генеральнай Асамблеяй ААН Міжнародным годам крышталяграфіі – навукі аб крышталях, іх структуры, узнікненні і ўласцівасцях. Рашэнне, якое было прынята на 66-й сесіі 3 ліпеня 2012 года, абгрунтоўваецца значнай роляй вывучэння і прыкладнога выкарыстання крышталяграфіі ў сучасным свеце. Дарэчы, сёлета адзначаецца 100-годдзе з часу яе зараджэння.

Экспазіцыя, прапанаваная бібліятэкай, змяшчае каля 150 дакументаў, сярод якіх даведачныя і энцыклапедычныя выданні, манаграфіі, альбомы, буклеты, якія адлюстроўваюць развіццё крышталяграфіі як навукі і прадмет яе вывучэння – крышталі.

Выстаўка складаецца з двух блокаў. У раздзеле “Крышталяграфія: гісторыя і сучаснасць” прадстаўлены кнігі, якія распавядаюць пра развіццё навукі ад моманту яе зараджэння да сённяшняга часу; знаёмяць з выдатнымі вучонымі, якія працавалі ў гэтай галіне; расказваюць пра крышталі – іх формы, фізічныя, механічныя, цеплавыя, аптычныя ўласцівасці, утварэнне і рост, сувязь хімічнага складу крышталя з яго фізічнымі ўласцівасцямі.

Другі экспазіцыйны раздзел “Свет камянёў” змяшчае кнігі пра разнастайныя мінералы, у тым ліку каштоўныя. Разглядаецца іх структура, якасці, уласцівасці, разнавіднасці і прымяненне. У кніжных выданнях распавядаецца пра знакамітыя на ўвесь свет каштоўнасці і скарбы. У раздзеле прадстаўлены навуковыя, навукова-папулярныя выданні, а таксама кнігі, з якіх чытач можа даведацца пра гаючыя і містычныя ўласцівасці мінералаў, цікавыя гісторыі, міфы і легенды аб іх.

Выстаўка будзе цікавай для шырокага кола чытачоў і наведвальнікаў бібліятэкі.

Кантактны тэлефон: (8 017) 293 28 86.

Навіны

15 лютага споўнілася 95 гадоў з дня нараджэння ветэрана Нацыянальнай бібліятэкі Беларусі – Ігара Валянцінавіча Жолудзева

18 Лют 2020

Ігар Валянцінавіч Жолудзеў нарадзіўся ў 1925 годзе ў г. Ленінградзе. У 1933 годзе пачаў сваё навучанне ў школе. Аднак бязлітасная вайна ўварвалася ў яго бясхмарнае дзяцінства і юнацтва, пабудаваўшы свой сцэнар жыццёвага шляху.

Партрэты: гісторыя бібліятэкі ў асобах

Практыкум па ўжыванні УДК на беларускай мове

18 Лют 2020

У Мінскай абласной бібліятэцы імя А.С. Пушкіна 20 лютага адбудзецца практыкум, прысвечаны ўжыванню міжнароднай класіфікацыйнай сістэмы “Універсальная дзесятковая класіфікацыя” на беларускай мове для арганізацыі краязнаўчых фондаў і іх адлюстравання ў інфармацыйна-пошукавых сістэмах публічных бібліятэк.

Навіны Нацыянальнай бібліятэкі Беларусі

Да 100-годдзя да выхаду газеты “Савецкая Беларусь”

17 Лют 2020

Люты 1920 года адзначыўся выхадам у Смаленску беларускамоўнай газеты “Савецкая Беларусь” – органа Цэнтральнага камітэта Камуністычнай партыі Літвы і Беларусі. Не трэба атаясамліваць гэта перыядычнае выданне з газетай “Советская Белоруссия”, якая пачала друкавацца толькі ў 1927 г.

Праект “Сведкі эпохі: Беларусь на старонках газет 100-гадовай даўніны”

"Лепшыя кнігі Беларусі": выстаўка па выніках LIХ Нацыянальнага конкурсу "Мастацтва кнігі"

18 Лют 2020

З 18 лютага па 18 красавіка ў бібліятэцы (3-ці паверх, кальцавы калідор) праходзіць выстаўка выданняў, адзначаных узнагародамі LIХ Нацыянальнага конкурсу “Мастацтва кнігі”.

Кніжныя выстаўкі

Прэзентацыя электроннага выдання "Не пакідайце ж мовы нашай беларускай…"

14 Лют 2020

19 лютага ладзіцца прэзентацыя электроннага выдання “Не пакідайце ж мовы нашай беларускай…”, прысвечанага 180-годдзю з дня нараджэння Францішка Багушэвіча.

Навіны Нацыянальнай бібліятэкі Беларусі

111