ГалоўнаяНавіныКніжныя выстаўкі
Баль навагрудскага песняра
Навагодні серпанцін

Чарадзей мастацкага слова

Чарадзей мастацкага слова
Іншыя навіны

З 20 снежня па 19 студзеня ў зале беларускай літаратуры (пам. 205) праходзіць выстаўка «Чарадзей мастацкага слова», прысвечаная 90-годдзю з дня нараджэння беларускага паэта, кінадраматурга А.С. Вялюгіна.


Лірыка заслужанага дзеяча культуры Беларусі (1969) Анатоля Сцяпанавіча Вялюгіна – дасягненне ў беларускай паэзіі. Яго творчасці ўласцівы яркая метафарычнасць, асацыятыўная вобразнасць, арыгінальная апрацоўка слова. У паэзіі А. Вялюгіна прысутнічаюць шчырае апяванне роднай зямлі, пранікнёная споведзь паэта-франтавіка, які прайшоў суровыя выпрабаванні ваеннага ліхалецця, грамадзянскія і інтымныя пачуцці сучасніка, патрыятычныя матывы. Яго вершы, пакладзеныя на музыку І. Лучанком, сталі шырока вядомымі песнямі (“Бярозка”, “Сын зямлі на віхурнай арбіце”). Беларускі пісьменнік і крытык А. Лойка, кажучы пра творчасць А. Вялюгіна, адзначаў: “Ён нарадзіўся, каб быць паэтам, ён сваёй ярка рамантычнай паэзіяй ў гісторыі беларускай паэзіі застаецца паэтам вышэйшага рангу”.

На выстаўцы можна пазнаёміцца з кнігамі паэзіі аўтара “Негарэльская арка” (1949), “На зоры займае” (1958), “Адрас любві” (1964), “Песня зялёнага дуба” (1989), “З белага камення – сіняе пламенне” (1993), “Заклён на скрутны вір” (1995) і інш.

Вялікі рэзананс мела ў свой час паэма А. Вялюгіна “Вецер з Волгі” (Літаратурная прэмія Беларусі імя Я. Купалы, 1964), прысвечаная У. Леніну. Паэма і яе пераклады на рускую і ўкраінскую мовы – сярод кніг экспазіцыі. Анатоль Сцяпанавіч таксама з’яўляецца аўтарам паэтычных зборнікаў для дзяцей “Галубы” (1949), “Тры гудкі” (1951), “Рыбы нашых рэк” (1952), “Вада і вуда” (1967), якія прадстаўлены на кніжных паліцах.

Не меней, чым паэзія, А. Вялюгіна прываблівала мастацкае і дакументальнае кіно. Паводле яго сцэнарыяў пастаўлены мастацкі двухсерыйны тэлефільм “Рэха ў пушчы” (1977), мастацкі фільм “Глядзіце на траву” (1985) і 45 дакументальных фільмаў, 16 з іх – поўнаметражныя. Яго сцэнарыі застаюцца ўзорамі беларускага дакументальнага кінематографа. Невыпадкова адзін з іх – “Генерал Пушча” – быў адзначаны Дзяржаўнай прэміяй БССР (1968). Шмат часу прысвяціў А. Вялюгін мастацкаму перакладу. На выстаўцы можна пазнаёміцца з перакладамі паэта з рускай, літоўскай, украінскай, польскай і іншых моў. Яго пяру належаць пераклад і выданне на беларускай мове 30-ці асобных кніг паэзіі.

Завяршаюць экспазіцыю энцыклапедычныя матэрыялы, артыкулы пра жыццё і творчасць А. Вялюгіна.

Кантактны тэлефон: (8 017) 293 27 16.

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

Новыя партнёры РЗЭК бібліятэк Віцебскай вобласці

26 Сак 2020

Да Рэгіянальнага зводнага электроннага каталога бібліятэк Віцебскай вобласці далучылася дзяржаўная ўстанова культуры “Аршанская цэнтралізаваная бібліятэчная сістэма”.

Навіны Нацыянальнай бібліятэкі Беларусі

27 сакавіка 1945 года. 44 дні да Перамогі

27 Сак 2020

Наступленне Чырвонай арміі. Веснавыя палявыя работы пачаліся. Навіны з Мазыра, Барысаўскага раёна і іншых куткоў БССР. Газеты: “Большэвік Палесся” (№ 29), “Совецкая радзіма” (№ 47), “Большэвіцкая трыбуна” Барысаўскага раёна (№№ 30–31), “Звязда” (№ 53).

Праект “100 дзён да Вялікай Перамогі. Па старонках беларускіх газет 1945 г.”

Выказваем падтрымку Італіі ў барацьбе з каранавірусам

26 Сак 2020

З 26 па 31 сакавіка ўключна па ініцыятыве Міністэрства замежных спраў Рэспублікі Беларусь на вонкавым электронным светлавым табло Нацыянальнай бібліятэкі Беларусі з’явіцца графічны малюнак у падтрымку Італіі з надпісам “Беларусь салідарна з італьянскім народам”.

Навіны Нацыянальнай бібліятэкі Беларусі

111