З 7 чэрвеня па 27 жніўня запрашаем на выставу “Чамаданны настрой” у чытальнай зале аддзела міжбібліятэчнага абанемента і дастаўкі дакументаў (пам. 164).
Лета – пара, пра якую ўсе мы марым і якую так хочацца пачаць з цёплых, яркіх і сонечных эмоцый.
Адносна летняга адпачынку ў нас звычайна завышаныя чаканні. Камусьці падабаецца адкрываць для сябе новыя краіны, некаторыя ездзяць толькі на правераныя курорты, але ёсць і тыя, хто вырашае вывучыць родныя мясціны ўздоўж і ўпоперак! Кожная краіна, кожны куток нашай планеты па-свойму непаўторны і ўнікальны. Падарожнічаючы, чалавек напаўняецца новымі адчуваннямі, перажывае цудоўныя эмоцыі і часам мяняе свае погляды на жыццё.
На кніжнай выставе “Чамаданны настрой” прадстаўлена літаратура пра самыя розныя месцы нашай планеты – ад добра ўсім вядомых да самых нязведаных.
Час работы выстаўкі:
пн. – чц.: 10.00–19.00,
пт.: 10.00–18.00,
сб., ндз. – выхадны.
Уваход – па чытацкім білеце або білеце сацыякультурнага цэнтра бібліятэкі.
Прадстаўленыя ў экспазіцыі кнігі можна замовіць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял пададзены аддзелам міжбібліятэчнага абанемента і дастаўкі дакументаў.